Inspektorati i Lartë i Deklarimit dhe Kontrollit të Pasurive dhe Konfliktit të Interesit (ILDKPKI) raporton se gjatë vitit 2025 ka vijuar ...
AKTUALITET
61-vjeçarja humbi jetën në spitalin e Korçës, familjarët e viktimës: I dhanë vetëm një kokërr, i thanë ke ankth! Atë ditë kishte ditëlindjen, e prisnim me tortë
n.fPërditësimi i fundit 17 Gusht 2024, 14:08
Vajza dhe djali i 61-vjeçares
KORÇË- Tre ditë më parë nje 61-vjeçare humbi jetën në spitalin e Korçës. Ndërkohë në lidhje me vdekjen e 61-vjeçares famijarët e saj kanë hedhur akuza pë bluzat e bardha. Vajza e Tatjana Dajkos u shpreh se nenë e sak vdiq për shkak të mungesës së kujdesit nga ana e mjekëve. Ajo u shpreh se 61-vjeçarja vdiq ditën e ditëlindjes ndërsa ata do të prisnin tortën dhe të festonin. Vajza ka akuzuar bluzat e bardha se ata vranë nënën e tyre.
“Nëna jonë vdiq ditën e ditëlindjes do i prisnim tortën e ditëlindjes dhe na vdiq nga duart e mjekëve. Nuk kanë vrarë vetëm atë, na vranë edhe ne. Mos e pastë njeri fatin e nënës tonë, do e ndjekim këtë çështje deri në fund”, tha vajza e 61-vjeçares, Klotina Topulli.
Ajo tregoi se si kishte përfunduar në spital me një shtrëngim në gjoks, por pasi i kishin vendosur një hapë në gojë, e kishin nxjerrë.
“E ka marrë mamin vëllai në 10 pa dhjetë e ka çuar në urgjencën e spitalit. Mami kishte shtrëngim të gjoksit dhe dhimbje në mes të shpatullave. E kanë shpënë atje i kanë matur tensionin dhe oksigjenin. I kanë bërë 1 qetësues dhe i kanë vënë një hapje nën gjuhë. Qëndroi 10 minuta shtrirë dhe i thanë ‘ngrihu se erdhi tjetri, ulu te stolat te korridori i urgjencës’. U ul aty priti pak dhe i vajti te dera doktoreshës i tha ‘a do ma matni prapë tensionin?’ Ajo i tha; “ik se nuk ke asgjë! Ke ankth, stres,” tha vajza.
Më tej vajza e viktimes shtoi se pasi kanë dalë nga dera e spitalit ajo po ndihej më keq. Pasi kanë mbërritur në shtëpi 61-vjeçarja është ndjerë akima më keq ndërsa është shprehur se është ndjerë edhe më keq pasi ka pirë ilaçin.
"E pamë që u bë më keq rreth orës 19 e 30 kemi marrë ambulancën, e pamë që ambulanca po ashtu…morëm makinën tonë dhe e çuam. Sa arritëm te dera e spitalit mamaja ka vdekur. Ajo kishte hemorragji nga hundët, nga goja si mund të thonë ata që ka vdekur për shkaqe të panjohura, natyrale kur ne e kemi paraqitur në 10 pa dhjetë në spital.
Duhet të marrë masat shteti. Mos e pastë fatin asnjë siç e pati mamaja ime nga doktorët. Nuk vuante nga asgjë! Ishte 61 vjeçe, mbushi atë ditë që vdiq. Në spital nuk i bënë asgjë. Kur kam hyrë në 19:30 në spital që mamaja ime sa hyri te dera e spitalit ishte e vdekur ata kanë marrë EKG-në t’ja bënin. Kam bërtitur me të madhe të hapin kamerat, të shikohen. Ku u gjet EKG-ja tani? Pse nuk iu bë kur ishte e gjallë? Nuk i kanë bërë asgjë! E bënë më keq.”, tha e bija e viktimës.
Ndërkohë, Anil Dajko, djali i të ndjerës pohoi se nëna rrinte me të.
"E mora në 10 këtu dhe e çova në spital. E pyeti doktoresha çfarë ke? I tha mamaja ‘më dhemb gjoksi dhe kurrizi’. I matën tensionin dhe oksigjenin. I bënë gjilpërë e ngritën u ul te stolat mamaja pas meje. U ngritëm prapë dhe i tha mamaja; do më matni tensionin prapë?’. ‘Ik, Ik’, i thanë nuk ke gjë, një gjendje ankthi ke’.
Duke ardhur rrugës për në shtëpi më tha mua; po më zë më shumë tani, por do të më kalojë. Erdhëm në shtëpi jo më tha po më zë më shumë. Erdhëm në shtëpi do prisnin tortën e ditëlindjes mbesat, ajo sa hyri brenda u këput.
Morëm ambulancën, pritëm të vinte, por pas 12 minutash na u tha; jemi në Bulgarec. Pastaj mora makinën time, me sakrificë, e çova në spital. Te dera e spitalit i morën mjetet për mamanë time. Jo nuk bëhet ajo gjë, që t’ja bënin shërbimet si vdiq. Përse e mbajtën në morg kur i kanë vënë ato diagnoza? Vdekje e menjëhershme? Çfarë janë këto që shkruajnë, për të mbuluar plehrat? Unë çuditem, më copëtuan. Çfarë ka nxjerrë ekspertiza? Dua të drejtën e mamasë time. Asnjë mos e ketë këtë fat të mamasë sime.”, tha i biri.
