Anëtari i Kryesisë së Partisë Demokratike, Grigels Muçollari, ka reaguar pas publikimit të një audio-dëshmie të...
AKTUALITET
Pse u fsheh ngjarja? Dritëhijet e hedhjes së 72-vjeçares nga azili në Gjirokastër/ Drejtoresha po hetohet në gjendje të lirë
PiranjatPërditësimi i fundit 8 Mars 2026, 18:45
Një grua 72-vjeçare humbi jetën në Shtëpinë e të Moshuarve në Gjirokastër, pasi dyshohet se u hodh nga tarraca e institucionit.
Ajo ndërroi jetë gjatë transportimit drejt Spitalit të Traumës në Tiranë.
Policia dhe prokuroria kanë nisur procedime penale ndaj drejtoreshës dhe kryekujdestares së institucionit për “shkelje të rregullave të mbrojtjes në punë” dhe “shpërdorim detyre”, si dhe ndaj një infermieri për mosnjoftim të organeve ligjzbatuese.
Ngjarja ngriti shqetësime mbi mbikëqyrjen dhe sigurinë në institucion, duke vënë në dyshim kontrollin e tarracës, rolin e stafit në turn dhe funksionimin e masave të sigurisë për personat e moshuar.
Në fillim ngjarja u raportua si rënie nga pakujdesia.
Nga ana tjetër hije dyshimi vendosen dhe mbi faktin që hetimi i drejtoreshës po bëhet në gjendje të lirë.
Mbeten ende shumë pikëpyetje rreth kësaj ngjarjeje.
Njoftimi
Drejtoria Vendore e Policisë Gjirokastër
Specialistët për Hetimin e Krimeve të Komisariatit të Policisë Gjirokastër referuan materialet në Prokurori ku nisi procedimi për veprat penale “Shkelja e rregullave të mbrojtjes në punë” dhe “Shpërdorimi i detyrës”, për shtetaset: D. D., 50 vjeçe, banuese në Gjirokastër, me detyrë Drejtoreshë e Shtëpisë së të Moshuarëve Gjirokastër dhe Dh. Zh., 52 vjeçe, banuese në Gjirokastër, me detyrë kryekujdestare në këtë institucion.
Veprimet procedurale u kryen pasi nga hetimet e kryera për rastin e ndodhur më 04.03.2026, në Shtëpinë e të Moshuarëve, ku dyshohej se ra aksidentalisht nga tarraca, shtetasja Sh. Z., 72 vjeçe, e cila humbi jetën më datë 04.03.2026, gjatë transportimit në Spitalin e Truamës, rezultoi se kjo shtetase ishte vetëhedhur nga tarraca.
Në vijim të veprimeve për këtë rast u referuan materialet në Prokurori ku nisi procedimi penal për shtetasin M. H., 37 vjeç, banues në Gjirokastër, me detyrë infermier në Spitalin Rajonal Gjirokastër, pasi nuk ka njoftuar organet ligjzbatuese që 72-vjeçarja kishte humbur jetën edhe pse kishte dijeni se për rastin kishin nisur hetimet.
