Momente tensioni u regjistruan gjatë ndeshjes mes Shqipërisë dhe Izraelit, menjëherë pas golit të shënuar nga skuadra mike. F...
AKTUALITET
95-vjetori i vendosjes së Kryegjyshatës Botërore të Bektashinjve në Shqipëri/ Baba Mondi: Shpresojmë në stabilizimin e Statutit juridik ndërkombëtar të Urdhrit
M.B.Përditësimi i fundit 25 Janar 2025, 12:15
TIRANA- Aktivitet ku u përkujtua 95-vjetori i vendosjes së Kryegjyshatës Botërore të Bektashinjve në Shqipëri nisi me 1 minutë heshtje për ndarjen nga jeta të Kryepeshkopit Anastas Janullatos. Në këtë ceremoni mbajti fjalën dhe Kryegjyshi botëror i Bektashinjve i cili foli për kontributin e këtij komuniteti për vendin tonë, ndërsa u ndal edhe te ideja e krijimit të shtetit bektashi.
Baba Mondi tha se shpreson që ky të jetë viti i përmbushjes së domosdoshmërisë për stabilizimin e Statutit juridik të Urdhrit Bektashian. Ai shtoi se kjo do të kujtohej jo vetëm si dëshmi me shumë mirëkuptim nga ana e shtetit shqiptar ndaj komunitetit tonë, por edhe si një faktor i ri për forcimin e mirëkuptimit dhe harmonisë mes komunitetit tonë dhe komuniteteve të tjera fetare në Shqipëri dhe në botë.
Pjesë nga fjala e Baba Mondit:
Të nderuar miq të dashur vëllezër, ne përkujtojmë këtë përvjetor në dy shenja të mbara të fillimit të vitit, Nga njëra anë takimi ynë historik me shenjtërinë e tij Papa Françesku në një Kuvend vëllazëror që pati për kryefjalë paqen dhe harmoninë mes besimeve. Për komunitetin tonë bektashian kryefjalë të tilla i konsiderojmë mesazhe të shenjta të dërguara nga Zoti.
Ne shpresojmë që një vit me këto shenja të jetë edhe vit i përmbushjes, plotësimit të një domosdoshmërie të hershme të komunitetit tonë, stabilizimit të një statuti juridik ndërkombëtar rë Urdhrit Bektashi në Kryegjyshatën Botërore. Ne shprehim mirënjohjen tonë qeverisë shqiptarë dhe veçanërisht kreut të saj, Zotit Edi Rama, që është treguar i vëmendshëm i ndjeshëm ndaj kësaj domosdoje, duke afruar mundësinë për një zgjidhje sa më të përshtatshme të statutit në fjalë.
Stabilizimi i mundshëm i një statuti juridik ndërkombëtar të urdhrit bektashi dhe Kryegjyshatës botërore do të kujtohej prej nesh jo vetëm si dëshmi me shumë mirëkuptim nga ana e shtetit shqiptar ndaj komunitetit tonë por edhe si një faktor i ri për forcimin e mirëkuptimit dhe harmonisë mes komunitetit tonë dhe komuniteteve të tjera fetare në Shqipëri dhe në botë. Madje përforcimi dhe mirëkuptimi edhe për një tjetër komunitet që ndodh ta harrojmë, atë të jobesimtarëve që e respektojmë, ashtu si kundër presim prej tij respektin e ndërsjellët. Zoti na bekoftë të gjithëve.
