Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
AKTUALITET
Adoleshenti humbi jetën në aksident/ Flet gjyshi: Kemi orë të tëra që presim për të marrë trupin, mungon mjeku ligjor...
PiranjatPërditësimi i fundit 28 Tetor 2025, 09:59
Janë zbardhur detaje të reja zbardhen lidhur me aksidentin e rëndë rrugor që i mori jetën një 17-vjeçari në orët e para të mëngjesit sot rreth orës 01:30. Aksidenti ndodhi në bulevardin “Ismail Qemali” në Vlorë, ku humbi jetën 17-vjeçari Leandro Shametaj.
17-vjeçari po kthehej nga puna me motor, ku punonte si kamarier, kur u përplas për vdekje nga një automjet tip “Porsche”, që dyshohet se lëvizte me rreth 200 km në orë.
Dyshohet se drejtuesi i mjetit të ketë qenë në gjendje të alkoolizuar.
Ndërkohë gjyshi i 17-vjeçarit ka deklaruar për News24 se familjarët kanë 8 orë që presin në morg, dhe se deri më tani nuk është paraqitur as mjeku ligjor dhe as prokurori.
“Unë jam gjyshi i djalit, mbrëmë në 12 të natës, trupi ka ardhur në morg, kemi 8 orë që presim mjekun ligjor. Nuk e dimë se çfarë shteti është këtu, janë 30 policë këtu dhe nuk marrin masa që të vijë këtu mjeku dhe prokurori. Makina që e ka përplasur ka qenë me 200 km në orë, nipi im nuk ishte kriminel, ishte duke u kthyer nga puna. Ai që e vrau ha e pi në burg, ndërkohë që mua nuk më japin as trupin e djalit”, shprehet gjyshi i viktimës.
