Është hequr gardhi metalik që ishte vendosur para Kuvendit të Shqipërisë si barrikadë për të penguar protestë...
AKTUALITET
Përplasi për vdekje 17-vjeçarin një natë më parë në Vlorë, bie në pranga drejtuesi i "Porsche"
PiranjatPërditësimi i fundit 28 Tetor 2025, 09:47
Një aksident i rëndë ka ndodhur rreth orës 00:15 në bulevardin "Ismail Qemali" në Vlorë, ku një 17-vjeçar humbi jetën pas përplasjes me një makinë tip Porsche.
Makina, që drejtohej nga Haiti Bajramaj, 32 vjeç, u përplas me motorin e drejtuar nga Leandro Shametaj. 17-vjeçari u transportua me urgjencë në Spitalin Rajonal të Vlorës, por përpjekjet e mjekëve për ta shpëtuar ishin të pasuksesshme.
Drejtuesi i automjetit, Haiti Bajramaj, është arrestuar nga policia, ndërkohë që grupi hetimor po punon për të zbardhur rrethanat e aksidentit dhe për të përcaktuar shkakun e tij.
Njoftimi i policisë:
DVP Vlorë- Specialistët e Seksionit të Trafikut Urban dhe Interurban Vlorë arrestuan në flagrancë, për veprat penale “Drejtimi i automjeteve në mënyrë të parregullt” dhe “Shkelja e rregullave të qarkullimit rrugor”, shtetasin H. B., 32 vjeç, banues në Vlorë, pasi më datë 28.10.2025, rreth orës 00:15, në bulevardin “Ismail Qemali”, duke drejtuar automjetin tip “Porsche”, në gjendje të dehur, është përplasur me motomjetin tip “Trinity”, me drejtues një shtetas të mitur, 17 vjeç, i cili si pasojë, ka ndërruar jetë.
Materialet iu referuan Prokurorisë, për veprime të mëtejshme.
