Aksident i rëndë në aksin Lushnjë-Fier, makina del nga rruga dhe përfundon në kanal, shoferi gjendet i vdekur brenda mjetit të shkatërruar

Aksidenti

LUSHNJE- Një aksident i rëndë është regjistruar mbrëmjen e djeshme në aksin Lushnjë-Fier. Fatkeqësisht nga aksidenti ka humbur jetën drejtuesi i mjetit i cili ende nuk është identifikuar. Më tej raportohet se viktima është gjetur brenda mjetit ndërsa makina ka dalë nga rruga kryesore në Krutje dhe ka përfunduar në një kanal. Më saktësisht aksidenti ka ndodhur në vendin e quajtur “Sheshpushimi i shoferit”. Makina mësohet se është përplasur fillimisht me një shtyllë elektrike dhe më pas me një strukturë betoni e muri anësor ku më pas ka përfunduar në një kanali aty pranë.

Trupi i viktimës, për të cilin po punohet për identifikim, u gjet pak pas mesnatës mbi timon, në kanalin anësor të rrugës, ndërsa është dashur një orë punë nga zjarrfikësit dhe policia për ta nxjerrë dhe dërguar në morg, për procedura autopsie. Burime policore thanë se nga verifikimet e para rezulton se autovetura tip “BMë”, me targa AB507DT, rezultonte e marrë me qira, por po hetohet nëse emri i gjetur në regjistrin e kompanisë është i njëjtë me të viktimës. Rezulton se vetura ishte marrë me qira në emër të Ariol Rista.

Dyshohet se shoferi ka qenë me shumë shpejtësi dhe mjeti ka dalë nga rruga kryesore, duke kryer përplasje dhe rrokullisje, teksa është dëmtuar tërësisht duke u shembur në kanalin anësor, pranë murit të një banese në dukje sipas pamjeve. Policia e Qarkullimit Rrugor ngriti një grup hetimor me ekspertë për rrethanat dhe shkaqet e aksidentit.

aksident viktime lushnje