Në ceremoninë përkujtimore të 80-vjetorit të Kryengritjes së Postribës, deputeti i PD-së, Bardh Spahia, vlerësoi ...
AKTUALITET
“Apeli, hallka më kritike”/ Sokol Sadushi: Kam qenë kritik, sistemi nuk po funksionin siç duhet.
PiranjatPërditësimi i fundit 29 Dhjetor 2025, 11:25
Kreu i Gjykatës së Lartë Sokol Sadushi ka bërë bilancin e punës së Gjykatës së Lartë për vitin 2025.
Në konferencën e fundvitit me gazetarët, ai tha se sistemi nuk po funksionon siç duhet.
“Gjykata e Apelit përbën sot hallkën më kritike të sistemit, dhe rrezikon aftësinë e tyre për të përballuar presionin, për shkak edhe të mungesës së kapaciteteve. Një sistem nuk mund të mbështete pafundësisht në sakrifica individuale. Qytetari kërkon funksionin të drejtë.
Unë nuk mund të shprehem pozitivisht për çdo gjë që po ndodh. Unë do ta mbroj atë që kemi hartuar, por mund të jem kritik ndaj mënyrës si po zbatohet reforma në drejtësi. Kam qenë i kujdesshëm, por edhe kritik, për arsyer se sistemi nuk po funksionin siç duhet. Nuk ka një planifikim të qartë nga organet e drejtësisë se ku do të shkohet.
Unë e kam ngritur problematikën e numrit të gjyqtarëve dhe prokurorëve që duhet të jenë pjesë e Shkollës së Magjistraturës.
Është e papranueshme dhe unë kam qenë kritik ndaj KLP dhe KLGJ që në numrin e planifikuar të kuotave vitin e kaluar nga 40 kaloi në 20 dhe këtë vit e kaloi në 10 gjyqtarë dhe prokurorë. Kjo tregon për një mungesë vizioni në planifikimin e çështjeve“, deklaroi Sadushi.
