Të ardhurat që shteti siguron nga dhënia me qira e pasurive të sekuestruara dhe të konfiskuara kanë shënuar një rritje t...
AKTUALITET
Arrestohet pas 10 ditësh autori i vrasjes së Egli Pashollarit
PiranjatPërditësimi i fundit 2 Mars 2026, 21:33
Ka përfunduar në prangat e policisë, autori i vrasjes së Egli Pashollarit. Gazmend Buçpapa u arrestua pas dhjetë ditë nga krimi i rëndë i regjistruar në Tiranë.
Gazmend Bucpapa u prangos në vendlindjen e tij, pas vrasjes me thikë të 31-vjeçarit në Tiranë. Policia, thote se Bucpapa është mbajtur në mbikëqyrje, teksa fshihej në një banesë në Tropojë.
Pashollari u godit me thikë në rrugën “Kongresi i Lushnjes”, ndërsa dyshohet se ai është sulmuar nga 3 persona, dy djem dhe një vajzë. Ai u transportua nga kalimtarë të rastit drejt spitalit, por ndërroi jetë rrugës.
Njoftimi:
DVP Tiranë/Finalizohet nga Policia dhe Prokuroria e Tiranës, operacioni i koduar “Distanca”.
Si rezultat i ndjekjes intensive dhe punës së miroganizuar operacionale, lokalizohet dhe ndalohet autori i vrasjes me thikë, të shtetasit E. P.
Autori, shtetasi G. B. u mbajt në mbikëqyrje, teksa fshihej në një banesë në Tropojë.
Si rezultat i veprimeve operacionale profesionale, të kryera në koordinim me Prokurorinë e Tiranës, për lokalizimin dhe ndalimin e autorit të vrasjes së shtetasit E. P., kryer më datë 20.02.2026, gjatë një konflikti në rrugën “Kongresi i Lushnjës”, specialistët e Sektorit për Hetimin e Krimeve të Rënda të Drejtorisë Vendore të Policisë Tiranë finalizuan operacionin e koduar “Distanca”.
Në kuadër të këtij operacioni, pasi u lokalizua dhe u mbajt në mbikëqyrje në banesën ku fshihej në vendlindjen e tij, në Tropojë, u bë ndalimi i shtetasit G. B., 40 vjeç, për veprat penale “Vrasja me dashje” dhe “Prodhimi, mbajtja, blerja apo shitja pa leje e armëve të ftohta”. Materialet procedurale iu referuan Prokurorisë së Tiranës, për veprime të mëtejshme.
