Ka nisur protesta e pestë në mbrojtje të Zvërnecit, ku qytetarët kundërshtojnë projektin për ndërtimin e një r...
AKTUALITET
Astrit Avdyli dënohet sërish me 12 vjet burg nga një tjetër trupë gjykuese
PiranjatPërditësimi i fundit 11 Shkurt 2026, 17:52
Gjykata e Posaçme dënoi këtë të mërkurë Astrit Avdylin me 12 vite bur, duke e shpallur atë fajtor për pjesëmarrje në një grup të strukturuar kriminal në zonën e Shijakut, armëmbajtje pa leje dhe përfshirjen në trafikun e drogës.
Vendimi u mor nga trupi gjykues i përbërë nga gjyqtaret Flojera Davidhi, Rudina Palloj dhe Elsa Ulliri, ndërsa vuajtja e dënimit për të pandehurin Astrit Balliu (alias Avdyli, alias Sulejmani), të fillojë nga dita e arrestimit të tij, dhe të kryhet në një burg të sigurisë së lartë.
Vendimi erdhi pas rigjykimit të çështjes nga një tjetër trupë gjykuese në Gjykatën e Posaçme kundër Krimit të Organizuar dhe Korrupsionit, e cila dha të njëjtë masë dënimi me atë të katër viteve më parë.
Për katër të pandehur të tjerë, Apeli ndryshoi atëherë vendimmarrjen e shkallës së parë, duke i ashpërsuar masat e dënimit ndaj tyre. Hetimet për të ashtuquajturin grupi i Avdylajve, nisën në vitin 2016 për dyshimet për trafik të lëndëve narkotike.
Përgjimet e SPAK ndaj tyre zbuluan jo vetëm pjesëmarrjen në këtë trafik dhe rrjetin e tyre në qytete si në Durrës, Kavajë, Lezhë dhe Dibër, por edhe angazhimin e fortë të tyre në mbështetjen e zyrtarëve të Partisë Socialiste përfshirë kryebashkiakun e asaj kohe, Vangjush Dako dhe përfshirjen e disa emrave në listën e deputetëve të PS-së. /PiranjatNews/
