Ditën e mërkurë vendi ynë do të jetë nën ndikimin e masave ajrore të paqëndrueshme.
Moti parashikohet me vran&eu...
AKTUALITET
Autoritetet belge çmontojnë organizatën shqiptaro-italiane/ 14 të arrestuar dhe qindra kg kokainë e kapur! Hetimi filloi nga përgjimet e SKY ECC
E.DPërditësimi i fundit 27 Maj 2025, 18:43
BELGJIKË- Autoritetet belge kanë çmontuar një rrjet italo-shqiptar të trafikut të drogës. Sipas mediave italiane grupi importonte kokainë nga Kolumbia në Evropë, veçanërisht nëpërmjet portit francez të Le Havre Seine-Maritime. Hetimi, i cili zgjati 684 ditë çoi në 11 kërkime dhe 14 arrestime për të çmontuar këtë rrjet. Grupi filloi të hetohej në vitin 2022 me përgjimin nga policia belge të të dhënave të dyshimta të ndara në shërbimin e mesazheve të koduara Sky ECC.
Konkretisht hetimi filloi në Itali, i udhëhequr nga Karabinierët e Borgo San Lorenzo, në rajonin e Firences. Informacioni që ata i komunikuan Europolit nxori në pah elementë që konvergojnë me një hetim të kryer nga PJF e Brabantit Ëalloon. Gjithashtu më pas u vendos bashkëpunimi ndërkombëtar nëpërmjet Europolit me mbështetjen e rrjetit @ON, i financuar nga Bashkimi Evropian dhe i udhëhequr nga Direzione Investigava Antimafia (DIA) italiane.
Më vonë u bë e ditur se dy organizata kriminale po punonin së bashku, një organizatë shqiptare që kishte kontakte në Kolumbi dhe importonte kokaine në Evropë dhe një organizatë italiane me seli në Brabantin Ëalloon. Gjithashtu kokaina përpunohej në një laborator në Walloon Brabant, më pas fshihej në automjete për tu dërguar në disa vende evropiane, kryesisht në Itali, Gjermani dhe Holandë.
Gjithashtu nga hetimet u zbulua një skemë e sofistikuar e pastrimit të parave. Për zyrtarët, këto rezultate tregojnë rëndësinë e bashkëpunimit ndërkombëtar në luftën kundër krimit të organizuar. Gjatë hetimeve për këtë operacion janë sekuestruar sasi të konsiderueshme kokaine, përfshirë 667 kg kokainë në portin e Le Havre.
