Prokuroria e Posaçme kundër Korrupsionit dhe Krimit të Organizuar (SPAK) ka përfunduar hetimet për një tjetër grup të ...
AKTUALITET
Bardh Spahia reagon ashpër për heqjen e tabelës pranë xhamisë në Shkodër: Urdhëra poshtërues nga Benet Beci
PiranjatPërditësimi i fundit 10 Nëntor 2025, 07:59
Ish-kryetari i Bashkisë Shkodër, Bardh Spahia, ka reaguar ashpër pas heqjes së një tabele pranë xhamisë “Ebu Beker” në qendër të qytetit.
Përmes një postimi në rrjetet sociale Spahia e cilëson veprimin e policisë bashkiake dhe punonjësve të bashkisë si “dhunim banditesk ndaj një vendi të shenjtë”, duke akuzuar kryetarin aktual Benet Beci për “urdhra politikë” dhe mungesë respekti ndaj fesë e traditës shkodrane.
Demokrati e përshkroi ngjarjen si tregues të “praktikave që kujtojnë periudha të errëta të së kaluarës”.
Postimi i plotë!
Nuk njohin Fe dhe as Zot!
Të turpshme pamjet nga dhunimi banditesk që i bëhet një vendi të shenjtë si Xhamia “Ebu Beker” në zemër të Shkodrës, nga policia e shtetit dhe punonjës të bashkisë, që me urdhëra politik në orët e vona të mbrëmjes së të dielës, heqin tabelën me thënie profetike. Veprime të tilla na shfaqin praktika që na kujtojnë periudha të errëta të së kaluarës, kur besimi dhe liria shpirtërore u shtypën me forcë.
E pamë të gjithë se si kjo mazhorancë me forcën e kartonit, miraton një ligj kundër natyrës, e nuk njeh mësimet e besimit, traditën e kombit tonë, shenjtërinë e familjes dhe injoron thirrjen e krerëve të besimit. Ndërsa sonte e shohim të shkojë më tej, me urdhërat poshtërues që Benet Beci, njeriu i marrë peng nga krimi e simbol i korrupsionit, jep nga zyra e tij, për të dhunuar hapësirat e një komuniteti fetar. Shkodra ka ditur gjithmonë të ruajë ekuilibrin, respektin dhe mençurinë përballë çdo provokimi, por ky njeri nuk njeh limite, as histori e traditë, pasi asgjë se lidh me Shkodrën, përveç interesave okulte!
