Në ceremoninë përkujtimore të 80-vjetorit të Kryengritjes së Postribës, deputeti i PD-së, Bardh Spahia, vlerësoi ...
AKTUALITET
Bardhi: Qëllimi i kësaj proteste është të sensibilizojë të gjithë qytetarët e Tiranës që Edi Rama nuk mund të mbajë peng Shqipërinë
PiranjatPërditësimi i fundit 28 Shkurt 2026, 20:57
Kreu i grupit parlamentar të PD-së Gazmnet Bardhi zbulon pse opozita zgjodhi që protesta e sotme të ishte një marshim nëpër rrugët e Tiranës. Ai e quajti të paligjshme bllokimin e rrugëve nga policia.
"Sigurisht që, qëllimi i kësaj proteste është të sensibilizojë të gjithë qytetarët e Tiranës që Edi Rama nuk mund të mbajë peng Shqipërinë për shkak të korrupsionit të tij qeveritar.
Arsyeja pse sot zgjodhëm si formë proteste marshimin në rrugët e Tiranës është pikërisht ky, për të sensibilizuar qytetarët për t’iu bashkuar protestës.
Ne protestojmë për demokratët, protestojmë për socialistët e ndershëm, protestojmë për qytetarët pa parti sepse Shqipëria është e të gjithëve dhe beteja për Shqipërinë duhet të bëhet nga të gjithë.
Z.Bardhi, mbrëmjen e sotme kemi parë një precedent, si te drejtoria e Policisë së Shtetit, edhe tek Policia e Tiranës, një numri madh efektivësh policie kanë tentuar të bllokojnë marshimin e protestës. Keni ndonjë koment?
Gazment Bardhi: Unë e kuptoj që krimi strehohet në të dyja godinat, dhe policia në vend që të arrestojë ato që i kanë kthyer drejtoritë e policisë në institucione ku krimi qeveris, pengon të drejtën kushtetuese të qytetarëve për të protestuar. Siç e shikoni, protesta është paqësore dhe policia nuk ka asnjë arsye për të bllokuar lëvizjen e lirë të qytetarëve."
