Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
AKTUALITET
Befason Selami Jenisheri, i dërgon letër Sylvinho-s: Kam formulën si të mundim Serbinë në ndeshje
I.APërditësimi i fundit 30 Maj 2025, 14:02
TIRANË- Ish-deputeti Selami Jenisheri ka befasuar ditën e sotme me një letër dërguar trajnerit të kombëtares shqiptare Sylvinho-s. Në letër, Jenisheri i ka kërkuar Sylvinho-s, një mundësi për të vënë në fuqi 'formulën' e tij në mënyrë që të fitojmë ndeshjen ndaj kombëtares serbe. Jenisheri vazhdon më tej duke shtuar se vetëm me 3-4 ditë, futbollistët do të përvetësojnë skemën e tij, që do t'i nxjerrin ata fitues në ndeshje.
Nderuar Zoti Sylvinho Mendes Campos
Unë jam Selami Jenishehri Deputet i Kuvendit të Shqipërisë i legjislacionit të IX të Republikës së Shqipërisë dhe trainer futbolli (ish këshilltar i trajnerit të ekipit kombëtar të Shqipërisë. Ngaqë kisha nxjerrë një lloj stërvitje për me aftësue futbollistat teknikisht e që me porosi të FSHF u eksperimentua dhe doli që ishte në nivel shumë më të lartë se ajo që publikonte FIFA dhe që e dini Juve.
Meqenëse ndeshja me Serbinë është e një rëndësie dhe politike e një rëndësie të veçantë dhe futbollistët shqiptarë që ju keni në dispozicion nuk kanë si ta dinë, po ju lutem të më jepni mundësinë të ju a vë në dispozicion futbollistëve (sidomos sulmues, por jo vetëm) që të bëj që 100% ndeshjen ta fitojmë më Serbinë.
E kuptoj vështirësinë Tuaj që ta besoni, por është një e vërtetë e madhe, që do ta shohësh vetë për 3-4 ditë futbollistët e fitojnë atë shprehi për ta ekzekutuar në lojë.
Me shpresë se keni dëshirën Tuaj të padiskutueshme për ta fituar ndeshjen Shqipëri – Serbi do të plotësoni kërkesën time që futbollistët të njihen me këtë progres, e ndeshja sigurisht të fitohet me rezultat të mirë nga Shqipëria.
