Koreja e Veriut prezantoi të enjten një impiant të ri për prodhimin e lëndës djegëse që përdoret në bombat b...
AKTUALITET
Bilanci i rëndë i aksidenteve, inxhinieri: Kolaudimi i rrugëve në Shqipëri një proces fiktiv
PiranjatPërditësimi i fundit 5 Janar 2026, 10:24
Fillimi i vitit të ri ka nisur me një bilanc tragjik në rrugët e vendit, duke ngritur alarmin për sigurinë rrugore. Në një diskutim televiziv, ekspertë dhe politikëbërës analizuan shkaqet e kësaj situate, duke nxjerrë në pah dështime spektakolare në menaxhimin e infrastrukturës.
I ftuar në studion e KAFE SHQETO në SYRI TV, inxhinieri Romeo Nazarko deklaroi se problemi thelbësor qëndron te cilësia e rrugëve dhe proceset formale të miratimit të tyre. Sipas tij, siguria e qytetarëve, e cila duhet të jetë parësore, është anashkaluar plotësisht. “Rruga nuk shërben vetëm si karaxhatë për të kaluar mjetet, por kryesorja është siguria e qytetarëve”, theksoi Nazarko, duke shtuar se është vjedhur edhe te elementi i sigurisë.
Duke shkuar më tej, inxhinieri e quajti procesin e kolaudimit të rrugëve në Shqipëri “fiktiv”. Ai shpjegoi se kompanitë dhe institucionet përgjegjëse shpeshherë mjaftohen me plotësimin e dokumentacionit, duke krijuar dosje dhe letra, pa kryer kontrollet e nevojshme në terren. “Bëjnë dosje, bëjnë letra, i dorëzojnë pranë institucioneve dhe mendojnë se me dorëzimin e këtij kolaudimi ia kanë hedhur. Por problematika është në rrugë, problematika është në terren”, u shpreh ai. Kjo procedurë fiktive lë pas rrugë me defekte dhe të rrezikshme, të cilat bëhen shkak për aksidente fatale.
Nazarko paralajmëroi se situata mund të përkeqësohet gjatë muajve të dimrit. “Ne jemi në fillimin e dimrit dhe jemi me këto statistika pas vetëm pak ditësh me ngrica të lehta. Imagjinoni çfarë do të ndodhë në përfundim të dimrit”, shtoi ai. Në diskutim ishte e pranishme edhe deputetja e Partisë Demokratike, Klediana Çapja, anëtare e Komisionit të Infrastrukturës. Sipas Nazarkos, ashpërsimi i masave në Kodin Rrugor nuk mjafton për të parandaluar tragjeditë. Zgjidhja e vetme, sipas tij, është përmirësimi i akseve rrugore problematike dhe sigurimi që proceset e kontrollit teknik të jenë reale dhe jo thjesht formale në letër.
Është në vazhdën e të gjitha që kemi deklaruar më përpara në lidhje me rrugët. Përsa i përket jo vetëm, rruga nuk shërben vetëm si karaxhatë për të kaluar mjetet, po ajo shërben, duhet të jetë, kryesorja është siguria e qytetarëve. Dhe për këtë e parashikon kolaudimi i rrugëve. Të gjithë kolaudatorët e rrugëve, kjo ka qenë, ky është qëllimi i tyre, që të gjitha rrugët e bëra në mënyrë të parregullt të mos kolaudohen ose të kthehen mbrapsht punimet në mënyrë shqiptare.
Pjesa e kolaudimit është një proces i rrugës, që është procesi përfundimtar dhe, siç ndodh që nga proceset e para që është projektimi, tenderimi e të gjithë, dhe kolaudimi i rrugëve është një proces fiktiv që bëhet sot për sot në Shqipëri. Bëhet fiktiv, bëjnë dosje, bëjnë letra, i dorëzojnë pranë institucioneve dhe mendojnë se me dorëzimin e këtij, këtij kolaudimi e kanë hedhur. Por problematika është në rrugë, problematika është në terren dhe ajo shfaqet sa herë ka... Ne jemi në fillimin e dimrit dhe jemi me këto statistika. Po, edhe një, një borë e lehtë në vende të ndryshme, një ngricë e lehtë dhe jemi në këto statistika.
Imagjino në përfundim të dimrit se çfarë do ndodhi në rrugët shqiptare, në rrugë të cilat janë të rrezikshme. Dhe pavarësisht masave të ashpra që merr kodi rrugor, e përforcojnë e përforcojnë masat e ashpra, përsëri ne kemi aksidente se këto nuk i eliminon kodi rrugor, por i eliminojnë përmirësimi i atyre akseve të rrugës të cilat janë të rrezikshme.
