Një përleshje me thika është regjistruar në Has, ku tre adoleshentë kanë mbetur të plagosur.
Sipas informacionit para...
AKTUALITET
Dhjetëra avokatë kallëzojnë në SPAK kreun e Policisë së Shtetit
PiranjatPërditësimi i fundit 23 Tetor 2026, 19:53
Dhjetëra avokatë, organizata të shoqërisë civile, studentë dhe qytetarë depozituan në SPAK këtë të premte një kallëzim penal ndaj Drejtorit të Përgjithshëm të Policisë, Skënder Hita, dhe drejtuesve të tjerë policorë. Kallëzimi dokumenton mbi 180 episode paligjshmërie gjatë protestave, “por synon diçka më të madhe se ndëshkimin e efektivëve që kanë ushtruar dhunë: hetimin e një mekanizmi të organizuar për shtypjen e protestës dhe sigurimin e pandëshkueshmërisë së dhunuesve”.
“Efektivë të maskuar, pa numra identifikimi, persona civilë që ushtrojnë kompetenca policore, dhunë ndaj qytetarëve që nuk paraqesin rrezik, si dhe kanë përdorur armë kinetike (me pumba gome) që sipas OKB janë pothuajse vdekjeprurëse, dyshohet se janë të organizuar nga drejtuesit dhe u është siguruar pandëshkueshmëri. Viktima e sheh dhunuesin, por nuk mund ta identifikojë. Dhuna bëhet publike për të frikësuar qytetarët, ndërsa autori mbetet anonim për t'i shpëtuar përgjegjësisë. Gjithçka për të penguar lirinë kushtetuese të tubimit”, thuhet në njoftimin e Respublica.
Siç e kërkon Gjykata e Strasburgut-vijon njoftimi- SPAK duhet të hetojë të gjithë zinxhirin komandues dhe të përcaktojë nëse kjo dhunë ishte devijim i disa efektivëve apo instrument i organizuar, i urdhëruar ose i lejuar nga drejtuesit. “Në një shtet demokratik, policia ka detyrë të mbrojë qytetarët, jo t'i frikësojë ata. Dhe askush nuk duhet të ketë imunitet për dhunën shtetërore”, thuhet më tej. /PiranjatNews/
