"Bojkot, ankimim, peticion dhe padi!" Karikatura në foton e gazetarit Sokol Balla, reagon Imami Ahmed Kalaja: Njerëzit u prekën, duhej kërkuar ndjesë

TIRANA- Imami Ahmed Kalaja ka postuar në rrjetet sociale një foto të gazetarit Sokol Balla pas të cilit duket një karikaturë. Fotos së Ballës i është vendosur një "X" në ngjyrë të kuqe teksa shoqërohet me një sqarim. Imami shkruan se njerëzit u prekën dhe reaguan ndaj shfaqjes së karikaturës. Sipas tij do të duhej të kishte një ndjesë publike ndaj tyre. Ai shton se ky akt nxit urrejtje ndërfetare. Kalaja po ashtu propozon bojkot, ankimim ligjor në AMA, peticion online, ngritje padie dhe protesta paqësore.

POSTIMI:

Njerëz jemi edhe gabojmë. Fotoja aty ndoshta edhe nuk është menduar gjatë. Derisa njerëzit reaguan u prekën duhet të kishte të paktën një kërkim ndjese nga MEDIA në fjalë edhe gazetari.

Kisha menduar se do kishte reagim e kerkim ndjese... Kemi menduar të gjithë se do reagojnë e kërkojnë falje mirëpo akoma asgjë. Ftoj për bojkot të kësaj medie edhe i platformës ku gjendet kjo media edhe ky do ishte mësimi më i mirë. Mallkimet Sharjet Kërcënimet nuk ngrejnë peshë...

Propozoj:

1- Bojkot, nëse ju prek "zotin para" që do të thotë gjuha e bojkotot këta zejnë mend.

2- Ankimim ligjor te AMMA

3- PETICION online

4- Ngritja e një padie

5- Nuk jam kundër zhvillimit të protestave paqësore te media në fjalë edhe platformat që e kanë imbarkuar, sepse ky akt i turpshëm futet te NXITJA E URREJTJES NDËRFETARE. Bismilah!

ahmed kalaja