Në pamjet e publikuara duket momenti kur ish-shefja e financës në Postën e Durrësit, Valbona Duni është futur në ar...
AKTUALITET
Celibashi pret në KQZ Dumanin dhe Çelën, firmosin Protokollin e Koordinimit për Integritetin e zgjedhjeve të 11 majit
r.llPërditësimi i fundit 27 Shkurt 2025, 14:57
takimi
TIRANË- Kryekomisioneri Ilirjan Celibashi ka pritur sot në ambientet e KQZ, kryeprokurorin e SPAK, Altin Dumanin dhe Prokurorin e Përgjithshëm, Olsian Çelës, ku kanë firmosur protokollin e Koordinimit dhe Bashkëpunimit midis Prokurorisë së Përgjithshme, Prokurorisë së Posaçme kundër Korrupsionit dhe Krimit të Organizuar (SPAK) dhe Komisionit Qendror të Zgjedhjeve. Ky protokoll synon garantimin e integritetit të procesit zgjedhor për zgjedhjet parlamentare të 11 majit dhe parashikon masa të koordinuara për parandalimin, identifikimin dhe ndjekjen e veprave penale që lidhen me zgjedhjet.
Protokolli gjithashtu synon forcimin e bashkëpunimit mes institucioneve për të siguruar një shkëmbim të shpejtë dhe efikas të informacionit mes institucioneve përgjegjëse për ndjekjen e veprave penale zgjedhore. Në këtë kontekst, angazhimi i përbashkët i palëve nënshkruese do të mundësojë koordinimin efektiv të veprimeve hetimore, duke krijuar mekanizma të qëndrueshëm për monitorimin dhe ndjekjen ligjore të çdo rasti që cënon procesin zgjedhor.
Përmes këtij kuadri bashkëpunimi, institucionet pjesëmarrëse angazhohen të punojnë në mënyrë të vazhdueshme për forcimin e sistemit të drejtësisë zgjedhore, duke siguruar një proces elektoral të drejtë dhe të pandikuar nga elementë të jashtëm. Ky bashkëpunim do të vijojë gjatë gjithë periudhës zgjedhore, me koordinim të vazhdueshëm mes institucioneve, për të siguruar një proces të lirë, të drejtë dhe të ndershëm, në përputhje me parimet demokratike dhe standardet e Bashkimit Evropian.
