Avokatja Adriana Kalaja ka depozituar në SPAK, një kallëzim të ri për ish zëvendëskryeministren dhe ish ministren e Infrast...
AKTUALITET
Cenoi besimin e publikut tek drejtësia, KPA shkarkon nga detyra prokurorin e Tiranës
PiranjatPërditësimi i fundit 27 Shkurt 2026, 18:53
KPA ka shkarkuar ditën e sotme nga detyra prokurorin e Tiranës, Gjergji Tako. Ai u shkarkua nga detyra, pasi ka cënuar besimin e publikut tek drejtësia.
Ky vendim u mor nga trupi gjykues i përbërë nga Ina Rama kryesuese, Sokol Çomo relator, Albana Shtylla, Natasha Mulaj, Rezarta Schuetz anëtare.
Pas shqyrtimit të çështjes së prokurorit Tako, u vendos shkarkimi i tij, pasi bëhej fjalë për probleme të etikës dhe të kriterit professional si dhe sjellje të vazhdueshme, e cila tregonte mungesë angazhimi dhe përgjegjshmërie në detyrë. Ky vendim është përfundimtar dhe ka efekt të menjëhershëm.
Njoftim i vendimit të Kolegjit të Posaçëm të Apelimit
"Trupi gjykues i Kolegjit të Posaçëm të Apelimit, i përbërë nga Ina Rama kryesuese, Sokol Çomo relator, Albana Shtylla, Natasha Mulaj, Rezarta Schuetz anëtare, shpalli vendimin për çështjen nr. 54/2023, datë 14.11.2023, që i përket ankimit të Komisionerit Publik kundër vendimit të Komisionit të Pavarur të Kualifikimit nr. 698, datë 15.09.2023, që lidhet me subjektin e rivlerësimit Gjergji Tako.
Në përfundim të gjykimit, trupi gjykues, bazuar në nenin 66, pika 1, shkronja “b” e ligjit nr. 84/2016, “Për rivlerësimin kalimtar të gjyqtarëve dhe prokurorëve në Republikën e Shqipërisë”, me shumicë votash, vendosi: Ndryshimin e vendimit nr. 698, datë 15.09.2023 të Komisionit të Pavarur të Kualifikimit dhe shkarkimin nga detyra të subjektit të rivlerësimit Gjergji Tako. Ky vendim është përfundimtar dhe ka efekt të menjëhershëm. U shpall sot, më datë 27.02.2026, në Tiranë".
