Punonjësit e Administratës së Gjykatës së Tiranës, i janë drejtuar me një peticion ministrisë së Financave s...
AKTUALITET
Operacioni “Siguria”/ Arrestohen pesë persona, sekuestrohen kallashnikov, pistoletë dhe drogë (EMRAT)
PiranjatPërditësimi i fundit 27 Shkurt 2026, 16:35
DURRËS- Policia ka nxjerrë emrat e personave të cilët u arrestuan ditën e sotme, në kuadër të operacionit “Siguria”. Të arrestuarit janë Servin Muça, 29 vjeç, Juljan Hida, 31 vjeç, Fabian Seriani dhe Brised Punci, të dy 25 vjeç dhe banues në Sukth, si dhe Zef Kola, 20 vjeç, banues në Durrës.
Ata u arrestuan nga forcat blu, pasi u kapëm me armë, municion luftarak dhe lëndë narkotike. Armët dhe lënda narkotike është sekuestruar në cilësinë e provës materiale, ndërsa policia po heton më shumë mbi rastin.
Njoftimi i Policisë:
Në Sukth, Policia ndaloi një automjet me të cilin qarkullonin tre shtetas. Gjatë kontrollit në automjet u gjet një armë zjarri kallashnikov, 3 karikatorë dhe 17 fishekë. Po ashtu, gjatë kontrollit fizik të drejtuesit të mjetit, Servin Muça, 29 vjeç, iu gjet një sasi lënde e dyshuar narkotike kanabis.
Në kuadër të hetimeve për këtë rast, u ushtrua kontroll në banesën e Juljan Hida, 31 vjeç, banues në Kuçovë, ku u gjetën 3 armë të ftohta (2 mjete prerëse dhe 1 dorezë metalike).
Në vijim të veprimeve, u arrestuan në flagrancë Servin Muça, 29 vjeç; Fabian Seriani, 25 vjeç; Brised Punci, 25 vjeç, të dy banues në Sukth; Juljan Hida, 31 vjeç, si dhe Zef Kola, 20 vjeç, banues në Durrës. Gjithashtu, gjatë kontrolleve në lagjen nr. 14 në Durrës, shërbimet e Policisë ndaluan një automjet me drejtues Zef Kola, të cilit iu gjet një armë zjarri pistoletë me krehër me 6 fishekë.
Ndërkohë, materialet iu referuan Prokurorisë, ku nisi procedimi penal për shtetasin M. B., 23 vjeç, banues në Shkozet, pasi dyshohet se kishte dijeni për rastin, por nuk ka kallëzuar.
Materialet procedurale i kaluan Prokurorisë së Durrësit për veprime të mëtejshme, ndërsa zbatimi i planit operacional “Siguria” vijon me kontrolle intensive në të gjithë qarkun.
Janë zbardhur disa nga komunikimet mes modeles shqiptare Misse Beqiri Maloku me Jeffrey Epstein. Nga bisedat e publikuara kuptohet se mes tyre kishte nj&...
