Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
AKTUALITET
Dëbora dhe ngricat "pushtojnë" disa qytete të vendit, segmentet rrugore të hapura për qarkullim me zinxhirë, në Korçë probleme me energjinë elektrike
n.fPërditësimi i fundit 7 Prill 2025, 11:31
TIRANË- Ndryshimi i motit ka sjellë reshje dëbore dhe shiu në pjesën më të madhe të vendit. Shumë qytete janë zbardhur nga dëbora ndërsa raportohen probleme dhe dëmtime të të mbjellave, vreshtarive dhe pemtarisë.
Raportohet se në Qarkun e Korçës, gjatë ditës së djeshme dhe natës ka pasur reshje dëbore me intensitet deri mesatar në të gjithë territorin të shoqëruar dhe me erë, trashësia e dëborës varion 10 deri 25 cm në zonat malore. Në qarkullim nuk ka patur probleme ndërsa mësohet se ka patur ndërprerje të përkohshme të energjisë elektrike.
Ndërprerja e energjisë mësohet se ka ndodhur në Njësinë Administrative Udënisht e Buçimas, Bashkia Pogradec, fshati Orman-Çiflig, Njësia Admin. Bulgarec dhe fshati Dardhë në njësinë administrative Mollaj, si dhe në fshatrat Dolenac, Mjaltas, Besmirë të njësisë administrative Gorë, Bashkia Maliq. Pa energji elektrike janë edhe 12 fshatrat e njësisë administrative Proptisht të cilët marrin energji elektrike nga Përrenjas.
Në Shkodër situata nuk është problematike. Në disa segmente të rrugës së Iballës, situata paraqitet e rënduar për shkak të sasive të mëdha të dëborës në rrugë. Rrugët nacionale janë të hapura dhe qarkullimi kryhet për automjete të pajisura me zinxhirë.
Reshjet e dëborës në Dibër nisën pasditen e djeshme ndërsa sot vendi është përballur me ngrica dhe temperaturave. Probleme ka patur në rrugët që lidhin Lagjen e Re me atë Vjetër, si dhe rrugët brenda qytetit të Bulqizës për shkak të ngricave. Sa i përket rrethinës së Matit, situata është normalizuar dhe nuk raportohet për dëmtime në frutikulturë dhe bujqësi.
