Në pamjet e publikuara duket momenti kur ish-shefja e financës në Postën e Durrësit, Valbona Duni është futur në ar...
AKTUALITET
Del VIDEO/ Edukatorja dhunoi 3-vjeçarin në Tiranë, babai i të miturit: Pas denoncimit në polici mora kërcënime nga bashkëshorti i saj
r.llPërditësimi i fundit 23 Janar 2025, 19:25
pamje nga kopshti
TIRANË- Një 46-vjeçare me profesion edukatore në kopsht fëmijësh në kryeqytet është shpallur në kërkim nga policia pasi ka dhunuar një fëmijë të mitur. Ka qenë babi i të miturit ai i cili ka bërë denoncimin në polici për 46-vjeçaren. Ndërkohë janë publikuar edhe pamjet e kamerave të sigurisë të kopshtit, ku shihet edukatorja tashmë e shkarkuar nga detyra, Rudina Gërdani duke dhunuar të miturin.
Lorenc Rrapa babai i 3-vjeçarit, ka treguar gjithë ngjarjen se si e mësoi se djali i tij ishte dhunuar e deri te denoncimi, por ajo që e bën edhe më të rëndë rastin është se pasi ka bërë denoncimin, atij i janë bërë kërcënime që ta lërë në heshtje këtë ngjarje.
“Do shihemi ndryshe bashkë”, këto janë fjalët me të cilat sipas Lorencit bashkëshorti i edukatores e ka kërcënuar. Megjithatë Lorenci është shprehur për Euronews Albania se është i vendosur që çështjen e Priamit 3-vjeçar ta çojë deri në fund.
“Edukatorja e ka marr vesh, më kanë telefonaur, më kanë bërë presion, burri i vetë më ka thënë mos ik në polici se e zgjidhim ndryshe. unë i kam thënë nuk zgjidh për fëmijën tim asgjë kështu i thash. Ai më tha “do shihemi ndryshe bashkë”, “Si të duash shihemi i thash”. Kam shkuar në komisariat mbrëmë. Bera kallëzimin e çdo gjë ka qenë në rregull. Nëpërmjet kërkimeve të mia personale mora vesh që edukatorja nuk është paraqitur në Komisariat. Sot shkova prapë te komisariati, te oficeri i policisë kam bërë një kallëzim tjetër sepse më kanë bërë prapë presion njerëzit e saj. Unë dua të them që unë nuk trembem.
Unë nuk trembem nga njerëzit e Rudinës. Unë jam gjithë ditën nga ora 6 e mëngjesit në 6 pasdite në Tiranë. Mua më gjeni ku të doni. Unë nuk trembem. Më kanë bërë presion duke më marrë edhe nga shtete europiane. Më marrin edhe miq të mitë. U kam thënë të mos më marrin më për këtë. Ata duan të mos e vazhdoj më historinë e Priamit, por unë gjakun e fëmijës tim nuk e shes. Jam shumë… nuk e fal unë gjakun e fëmijës tim, nuk e fal atë shpullë”, tha Lorenc Rrapa.
