Sali Berisha deklaron se Belinda Balluku duhet të ishte prapa hekurave dhe jo të ecte e lirë. Në një komunikim me gazetarët, kre...
AKTUALITET
Delegacioni i BE uron Klodian Brahon për marrjen e detyrës në krye të SPAK
PiranjatPërditësimi i fundit 22 Dhjetor 2025, 14:05
Delegacioni i Bashkimit Evropian në Tiranë ka uruar Klodian Brahon, i cili sot mori zyrtarisht detyrën si kreu i ri i Prokurorisë së Posaçme Antikorrupsion (SPAK).
Në një reagim në rrjete sociale, zyra e BE-së në Tiranë, duke i uruar suksese Brahos, theksoi gjithashtu se Prokuroria e Posaçme ka treguar qëndrueshmëri ndaj presioneve politike teksa drejtohej nga Altin Dumani.
“Nën drejtimin e tij, SPAK shënoi hapa përpara në luftën kundër korrupsionit të nivelit të lartë dhe kontribuoi në forcimin e besimit të publikut te drejtësia.”, thuhet në reagim.
Më tej, zyra e unionit evropian thekson se lufta kundër krimit dhe korrupsionit si edhe respektimi I shtetit ë së drejtës janë një përgjegjësi e përbashkët, ndërsa iu bën thirrje të gjitha institucioneve që të pëmbushin përgjegjësitë e tyre.
“U bëjmë thirrje të gjitha institucioneve që të ushtrojnë plotësisht rolin e tyre, të përmbushin përgjegjësitë dhe të bashkëpunojnë pa rezervë për të garantuar llogaridhënie, në dobi të të gjithë qytetarëve. Presim të vijojmë bashkëpunimin me SPAK-un, teksa e mbështesim Shqipërinë në çdo hap në rrugën drejt Bashkimit Evropian.”, thuhet më tej në reagim.
Klodian Braho u zgjodh pak ditë më parë si drejtuesi i ri i Prokurorisë, ndërsa sot, mori zyrtarisht “stafetën” nga paraardhësi i tij, Altin Dumani.
Delegacioni i BE-së në Shqipëri uron Klodian Brahon për marrjen sot të detyrës si Kreu i SPAK-ut dhe i dëshiron suksese në këtë rol të rëndësishëm për vendin.
Njëkohësisht, vlerësojmë SPAK-un për qëndrueshmërinë përballë presioneve politike, si edhe për vendosmërinë dhe integritetin e treguar nga Kryeprokurori i mëparshëm, Altin Dumani. Nën drejtimin e tij, SPAK shënoi hapa përpara në luftën kundër korrupsionit të nivelit të lartë dhe kontribuoi në forcimin e besimit të publikut te drejtësia.
Lufta kundër korrupsionit dhe pandëshkueshmërisë, si edhe respektimi i shtetit të së drejtës, janë përgjegjësi e përbashkët e të gjitha institucioneve kyçe dhe një element thelbësor i rrugës së Shqipërisë drejt anëtarësimit në BE—rrugë e mbështetur nga shumica dërrmuese e qytetarëve shqiptarë. U bëjmë thirrje të gjitha institucioneve që të ushtrojnë plotësisht rolin e tyre, të përmbushin përgjegjësitë dhe të bashkëpunojnë pa rezervë për të garantuar llogaridhënie, në dobi të të gjithë qytetarëve.
Presim të vijojmë bashkëpunimin me SPAK-un, teksa e mbështesim Shqipërinë në çdo hap në rrugën drejt Bashkimit Evropian.
