Të rinjtë protestues kanë refuzuar thirrjet për dialog me kryeministrin Edi Rama.
Gjatë protestës, studentët kanë p&e...
AKTUALITET
Demo mbështet edhe kandidatin e PD
PiranjatPërditësimi i fundit 9 Nëntor 2025, 11:07
Ministri i Pushtetit Vendor, Ervin Demo u ka bërë thirrje qytetarëve të ushtrojnë të drejtën e tyre të votës. Duke folur për mediat, Demo tha se qytetarët e kanë shumë të qartë se kë do të votojnë dhe së kush është zgjidhja. Ndër të tjera, Demo tha se ai që do të drejtojë bashkinë e Beratit, do të vazhdojë edhe projektet e nisura dhe do të ketë mbështetjen e tij si ministër.
"Qytetarët e Beratit e kanë shumë të qartë se kush do të jetë zgjedhja dhe zgjidhja. Beratasit e dinë se kë do të zgjedhin. Pavarësisht se në Berat është bërë një transformim i jashtëzakonshëm, padyshim që ne kemi dhe shumë sfida. Ai që do të zgjidhet do i çojë para këto projekte dhe do të ketë mbështetjen time. Ka disa projekte shumë të bukura gjatë vitit 2026 për Bashkinë e Beratit.
Këto janë zgjedhje të pjesshme, afatet kanë qenë më të ngushta, në të pesta bashkie PS ka marrë angazhimin maksimal. Ne kemi nevoja për të bërë investime të mëtejshme. Ai që do të drejtojë bashkinë e Beratit, do të vazhdoje edhe projektet e nisura dhe do të ketë mbështetjen time si ministër. Kandidati i Partisë Socialiste është pritur shumë mirë nga qytetarët dhe besoj fort që ajo që do të ndodhi nesër është ri konfirmimi i drejtimit të bashkisë nga kandidati jonë," Ervin Demo.
