Përdoruesit e platformave Facebook, Instagram dhe Messenger kanë raportuar probleme me funksionimin e tyre pasditen e së mërkurës, 22...
AKTUALITET
Zjarri në tregun e “5 Majit”, pjesa që shpëtoi pa energji elektrike! Tregtarët në vështirësi
PiranjatPërditësimi i fundit 15 Janar 2026, 15:40
Disa ditë pas zjarrit masiv që shkrumboi tregun e rrobave të përdorura në zonën e “5 Majit” në Tiranë, në redaksinë e "Piranja.news" ka mbërritur një denoncim i ri që ngre shqetësime për situatën aktuale të tregtarëve.
Sipas denoncimit, pjesa e tregut që nuk u prek nga flakët ka mbetur pa energji elektrike, duke ua bërë pothuajse të pamundur ushtrimin e aktivitetit tregtar bizneseve që ende qëndrojnë në këmbë.
“Tregu që u dogj, pjesa që shpëtoi është pa drita! Kjo po ua vështirëson punën tregtarëve”, – thuhet në mesazhin e mbërritur në redaksi.
Tregtarët pretendojnë se mungesa e energjisë elektrike po i penalizon rëndë, pasi nuk mund të punojnë normalisht, sidomos në këto ditë të ftohta dimri, ndërsa shumë prej tyre tashmë kanë pësuar humbje të mëdha financiare nga zjarri i pak ditëve më parë.
Kujtojmë se zjarri që përfshiu tregun e “5 Majit” shkaktoi dëme të mëdha materiale, duke djegur dhjetëra njësi tregtare. Ndërsa autoritetet kanë deklaruar se situata është vënë nën kontroll, duket se problemet për tregtarët nuk kanë marrë fund.
Deri në këto momente nuk ka një reagim zyrtar nga institucionet përkatëse apo nga operatori i shpërndarjes së energjisë elektrike lidhur me rikthimin e dritave në zonë./piranjat.news
