Qytetarë, ambientalistë dhe aktivistë të shoqërisë civile janë mbledhur këtë mbrëmje në Tiranë p&e...
AKTUALITET
Denoncimi i PIRANJAVE/ A do të hetohet Majlinda Bufi për tenderat korruptivë me lulet diellore dhe TEC-in?
PiranjatPërditësimi i fundit 15 Nëntor 2025, 10:22
Kryebashkiakja e Roskovecit u mor e pandehur nga SPAK pa denoncimeve nga emisioni Piranjat për kërcënimet që u bëri votuesve në zgjedhjet lokale të vitit 2023.
Ajo u kërkonte disa votuesve që të mos merrnin pjesë në votime pasi shiheshin si votues të partive kundërshtare. Por këtë nuk janë denoncimet e vetme për Bufin. “Piranjat” ka denoncuar një sërë aferash të kryebashkiakes.
Për shembull, një nga tenderat e bujshëm, është ai i luleve “Smart”. Për tenderin e këtyre luleve dhe një stacioni elektrik në një qytet ku nuk ka taksi elektrike u paguar rreth 250 mijë euro. Tenderi mbante flamurin e kuq për shkak të përjashtimit të pajustifikuar të kompanive që kishin bërë ofertën më të ulët.
Investigimi për këtë tender nisi në ditët e para të muajit prill, ku u vu re se nuk ishte e saktësuar data e lidhjes së kontratës. Ky tender kap vlerën e 112 mijë euro, para që hiqen nga buxheti i Bashkisë, grumbulluar nga taksat e qytetarëve.
Majlinda Bufi akuzohet edhe për shkelje të shumta me TEC-in e Roskovecit. Denoncimi nga “Piranjat” zbuloi Bashkia e Roskovecit ka kërkoi që të ndryshojë një sipërfaqe nga 462.8 hektarë në 447.07 hektarë. 15.81 hektarë të veçuar do të përdoren për ndërtimin e një termocentrali elektrik. Ndërtimin e kësaj vepre të re në Roskovec, bashkia e arsyeton me nevojën për të mbështetur iniciativat lokale, krijimin e vendeve të punës, rritjen ekonomike, si dhe ofrimin e alternativave për zgjidhjen e krizës energjetikë.
Zona ku propozohej ndërtimi i termocentralit ndodhet në kategorinë B, tokë bujqësore boniteti 2, e cila nuk lejon zhvillime të reja. Por sipas bashkisë së Roskovecit kjo është mundësia e vetme për realizimin e TEC-it për shkak të afërsisë strategjike me nyjën e lidhjes me TAP.
