Sami Sheen, vajza e aktorit të njohur Charlie Sheen dhe aktores Denise Richards, ka reaguar publikisht ndaj pretendimeve se jeta e saj luksoze financohet...
Flakët në malin me mbetje në fshatin Halil, Fushë-Krujë, janë shuar nga reshjet e shiut, por zjarri vijon të jetë akti...
AKTUALITET
Dështimi në burgun e Peqinit nuk i mjaftoi, Arlinda Pogaj e OBP i jep edhe tenderin 2 mln euro për sistemin antidron ‘Albascan-it’
PiranjatPërditësimi i fundit 4 Tetor 2025, 23:14
Paraja po përmbys edhe dosjet penale në Shqipëri. Kompania “Albascan”, e përfolur për dështime të rënda në sigurinë e burgjeve dhe laboratorët në shkolla, është shpallur fituese e një tenderi 2 milionë euro për vendosjen e sistemit antidron në disa institucione penitenciare.
Procedura e tenderit ka qenë tepër e dyshimtë, pasi kriteret u përputhën vetëm me këtë kompani, duke ngritur dyshime se gjithçka ishte e paracaktuar. Ironia që trondit opinionin publik është fakti se pikërisht “Albascan”, kompania që instaloi sistemin e skanerëve në burgun e Peqinit – ku megjithatë u futën armë dhe u vra një i burgosur – tani kthehet në të njëjtin institucion për të vendosur pajisjet antidron.
Tenderi, me një vlerë limit prej 207 milionë lekësh, është fituar nga “Albascan” me ofertë rreth 191 milionë lekë pa TVSH, që shkon në total mbi 2.3 milionë euro. Nga katër ofertues, tre kompani të tjera u përjashtuan me justifikimin se nuk kishin “punë të ngjashme” në masën 40% të kontratës – kriter i “qepur” për t’i dhënë fitoren firmës fituese.
Pavarësisht dështimeve dhe dyshimeve për shkelje të rënda të sigurisë, kjo kompani ka marrë tenderë edhe nga institucione të tjera të rëndësisë së veçantë, si Garda e Republikës, Prokuroria dhe Gjykata e Posaçme. Ndërkohë, autoritetet justifikojnë këtë kontratë duke e lidhur me rrezikun në rritje të përdorimit të dronëve për kontrabandë, spiunazh apo transport të lëndëve të rrezikshme në burgje raporton “JOQ”.
Në vend që të hetohej dhe të skualifikohej, “Albascan” shpërblehet sërish me miliona euro nga shteti, duke e kthyer tenderin publik në një mekanizëm ku paraja jo vetëm blen kontrata, por edhe shlyen dosje penale.
