Ka nisur protesta e pestë në mbrojtje të Zvërnecit, ku qytetarët kundërshtojnë projektin për ndërtimin e një r...
AKTUALITET
DETAJE/ Flet kushëriri i familjes Ndoji: E plagosi babai pasi refuzoi kërkesën e tij për ribashkim me nënën e saj
PiranjatPërditësimi i fundit 27 Janar 2026, 09:45
Detaje të reja janë zbardhur nga ngjarja e rëndë që ndodhi ditën e djeshme në Durrës, ku një baba plagosi vajzën e tij me thikë.
Sipas burimeve, një i afërm i familjes Ndoji ka thënë se “ky person ka qenë gjithmonë tip problematik, konsumonte alkool dhe ushtronte dhunë në familje”.
“U divorcua nga gruaja prej këtyre problemeve dhe iku jashtë shtetit, në Itali, ku bëri dy vite burg për trafik lëndësh narkotike. Ka pak kohë që ka dalë nga burgu dhe donte të kthehej sërish me ish-gruan, por vajza e tij nuk donte se e dinte se çfarë njeriu ishte. Prandaj dhe ai e plagosi”, ka thënë i afërmi i familjes.
Policia e Durrësit arrestoi 57-vjeçarin Mikel Ndoji, i cili paradite plagosi me thikë vajzën e tij Xhesika Ndoji, 24 vjeç. Përveç të bijës ai plagosi edhe dy persona të tjerë që tentuan t’i vijnë në ndihmë vajzës.
Dy të plagosurit e tjerë, sipas dëshmitarëve në vendngjarje, janë punonjës të një agjensie imobiliare që kanë tentuar të ndërhynë, kur kanë parë që babai po godiste me thikë vajzën.
Sipas policisë, të plagosurit janë dërguar për ndihmë mjekësore në spital dhe fatmirësisht ndodhen jashtë rrezikut për jetën, edhe pse kanë marrë disa goditje me thikë.
