DashiMarrëdhënia me partnerin do përmirësohet mjaft gjate kësaj dite. Do i kuptoni gabimet e bëra dhe do mundoheni me çdo...
POLITIKE
Protesta/ Këlliçi: Sot është një ditë e mirë për Shqipërinë! Të gjithë shqiptarët janë bërë bashkë kundër Edi Ramës
PiranjatPërditësimi i fundit 24 Tetor 2026, 10:11
I ftuar në Syri Tv me gazetarin Flavio Qarri, nënkryetari i Partisë Demokratike, Belind Këlliçi ka komentuar protestën që mbahet sot në Tiranë, e cila është edhe protesta e 12 që prej fillimit të revoltës së studentëve.
Këlliçi e cilësoi ditën e sotme si një ditë të mirë për shqiptarët, ku studentët, pedagogët, biznesi dhe Partia Demokratike derdhen sot në shesh me një qëllim të vetëm, largimin e Edi Ramës, krijimin e qeverisë teknike për t’i dhënë Shqipërisë shansin për zgjedhje të lira dhe të ndershme pa Ramën.
“Sot është një ditë shumë e mirë për Shqipërinë. Është një ditë e ndarë në fasha orare, ku shqiptarët si rrallë herë janë derdhur në protestë në Tiranë. Është një ditë që do nisë me protestën e pedagogëve, artistët, me shoqatën e biznesit të vogël e cila i ka bërë thirrje biznesit që të ulë qepenat dhe t’i bashkohet protestës. Është një ditë që kulmin e saj e ka në orën 12 ku do të derdhen demokratët në shesh për të protestuar me një qëllim të përbashkët për të protestuar si me studentët, pedagogët për largimin e Ramës dhe krijimin e një qeverie teknike.”- tha Këlliçi.
Këlliçi theksoi se kjo protestë e ka shkundur nga themelet narkoshtetin e Edi Ramës, por e rëndësishmja është përkimi i kërkesave të studentëve, pedagogëve, biznesit, krijimin e një qeverie teknike, kërkesë e kahershme e demokratëve. Deputeti demokrat foli gjithashtu për vendimin e kryeministrit për dorëheqjen e drejtorëve. Ai denoncoi se kërkesa e dorëheqjes është shantazh i Ramës ndaj drejtorëve të cilëve u ka vënë kusht të bëhen pjesë e mekanizmit të shtypjes së protestës.
