Futbolli shqiptar dhe kosovar është zgjuar me një lajm të rëndë. Futbollisti i Elbasanit, Fatjon Bunjaku, ka humbur jetën t...
AKTUALITET
Detaje/ Merret PENG dhe torturohet oficeri i SHISH!
PiranjatPërditësimi i fundit 26 Dhjetor 2025, 17:53
Një oficer karriere i SHISH dyshohet se është rrëmbyer dhe torturuar nga struktura kriminale, vetëm pak kohë pasi ka dorëzuar në sistemin e brendshëm një material delikat që ekspozonte veprimtarinë e grupeve të organizuara në jug të vendit.
Ngjarja, e cila dyshohet të ketë ndodhur jo më shumë se katër apo pesë muaj më parë, ngre pikëpyetje serioze mbi lidhjet mes krimit të organizuar dhe strukturave të shtetit.
“Krimi, mafia dhe pushteti janë bërë një nyje e errët, ku vështirë të dallosh ku fillon njëri dhe ku mbaron tjetri,” thuhet në denoncim e publikuar nga gazetari Basir. Çollakut Oficeri i SHISH, me eksperiencë të gjatë në terren, kishte punuar për një periudhë të madhe kohore në identifikimin e rrjeteve të trafikut dhe strukturave kriminale.
Pasi grumbulloi të dhëna të cilësuara si “shumë të vlefshme”, ai përgatiti një relacion të detajuar me emra dhe fakte të dyshuara.
Sapo doli nga zyra, oficeri dyshohet se u prit nga persona të lidhur me grupet e denoncuara, u mor peng, u dërgua në një zonë periferike larg çdo vëzhgimi, ku u dhunua dhe torturua.
Më pas ai u braktis i zhveshur, në gjendje të rëndë fizike dhe psikologjike.
Në kushtet e krijuara, oficeri paraqiti kallëzim në Prokurorinë e Juridiksionit të Përgjithshëm.
Por, sipas denoncimit, procesi është përballur me vonesa dhe ndikime, ndërsa brenda institucionit është kërkuar që rasti të mos bëhet publik.
Burimet flasin për presione të heshtura dhe mungesë vullneti për t’u përballur me pasojat.
“Nëse një informacion zyrtar brenda sistemit nuk mund të ruhet, atëherë çfarë garancie ka një oficer i shërbimit për jetën dhe punën e tij?”, ngrihet pyetja në denoncim. Derisa rasti nuk është zyrtarizuar publikisht nga institucionet, dyshimet mbeten të rënda dhe presioni për të mos folur është i ndjeshëm.
Megjithatë dokumenti informues ka hyrë zyrtarisht në sistem dhe mbahet në regjistrat e brendshëm"
