Gazetarja e njohur e Vlorës, Afrovita Hysaj ka treguar momentet e fundit të kolegut dhe mikut Enrik Mehmeti drejt Zvërnecit, mbrëmjen e t&...
AKTUALITET
Detaje nga ekzekutimi i biznesmenit Bujar Nasufit/ Doreza gjysmë e djegur e autorit, prova e fortë në duart e hetuesve
PiranjatPërditësimi i fundit 3 Maj 2025, 13:22
TIRANË- Detaje të reja kanë dalë lidhur me vrasjen e biznesmenit Bujar Nasufit, ndodhur mbrëmjen e 12 Janarit në kryeqytet. Një dorezë gjysmë e djegur që u përdor nga autori është prova më e fortë që hetuesit kanë në duar për të hedhur dritë mbi krimin e rëndë. Siç raporohet pas krimit autori i cili lëvizte me një motor e dogji dorezën në një tunel në zonën e Kombinatit dhe duke qenë se ekzekutori kishte përdorur doreza, në motomjet nuk u gjetën gjurmë të gishtërinjve.
Por bëhet e ditur se doreza e cila nuk ishte djegur plotësisht janë zbuluar material biologjik dhe prej tij është përftuar një profil ADN i gatshëm për krahasim. Gjithashtu thuhet se është kërkuar krahasimi i këtij profile me bazën e të dhënave të ADN-së pranë Interpolit. Nëse rezulton i përputhshëm me ndonjë nga profilet e të skeduarve më herët për krime të tjera, prokuroria mund të ketë të dyshuarin e parë.
Hetuesit po ashtu konfirmojnë se vendim gjykate është vendosur që profili i ADN-së së përftuar të krahasohet me atë të nënës së vëllezërve nga Përmeti, të cilët kanë pasur konflikte me biznesmenin e vrarë për shkak të shitjes së një prone nga babai i tyre në emër të Bujar Nasufit. Të dy vëllezërit janë të skeduar në Spanjë në aktivitetin e trafikut të kokainës dhe prokuroria po heton për implikimin e tyre në këtë ngjarje të rëndë. Lidhur me këtë ngjarje, Prokuroria është duke hetuar në disa pista, por e vetmja shpresë që mund ti afrohet të paktën emrit të ekzekutorit është prova e ADN-së që kanë prej tij.
