DashiSot fuqitë tuaja bindëse janë në nivelin më të lartë. Kjo është një ditë e mirë për t&eu...
AKTUALITET
EMRI+FOTO/ Grabiti me dhunë një dyqan dhe dyshohet se tentoi të përdhunonte shitësen, shpallet në kërkim 48-vjeçari në Sarandë, rezulton me precedentë të shumtë penalë
n.fPërditësimi i fundit 3 Maj 2025, 11:20
SARANDË- Një 48-vjeçar është shpallur në kërkim në Sarandë pasi ditën e djeshme ai ka kryer një vjedhje në lagjen nr.2. Mësohet se ai nën kërcënimin e thikës, ka arritur të grabisë nga shitësja e një dyqani një shumë prej 60.000 lekë të reja.
Autori i identifikuar si Jorgo Kumaraku alise Leonard Kumaraku pasi ka ushtruar dhunë ndaj shitses 26-vjecare dhe dyshohet se ka tentuar të kryejë edhe marrëdhënie seksuale me dhunë me të. Policia ka arritur të identifikojë dhe shpallë në kërkim autorin e dyshuar, i cili rezulton me precedentë të shumtë penale për raste të ngjashme.
“Specialistët për Hetimin e Krimeve në Komisariatin e Policisë Sarandë referuan materiale në Prokurori dhe shpallën në kërkim shtetasin J. K., 48 vjeç, pasi ditën e djeshme, në një dyqan në lagjen nr. 2, Sarandë, dyshohet se nën kërcënimin e një mjeti prerës (thike), ka vjedhur me dhunë një shumë prej 60000 lekësh nga shitësja e dyqanit, 26 vjeçe, e cila si pasojë ka pësuar dëmtime fizike. Gjithashtu, dyshohet se ka tentuar të kryejë marrëdhënie seksuale me dhunë ndaj saj. Vijon puna intensive për lokalizimin dhe kapjen e autorit të dyshuar”, informoi sot policia.
Kumaraku, në vitin 2007 ka grabitur duke kërcënuar me armë lodër punonjësen e kazino “Perla” në Sarandë, ngjarje për të cilën është dënuar me 5 vjet burg. Në vitin 2008 atij i është gjetur në qeli një celular, për të cilin ka dhënë deklaratë të rreme sikur e kishte futur në qeli një polic i paraburgimit Sarandë.
Ai u arrestua por u la i lirë pasi u zbulua gënjeshtra e Kumarakut, duke bërë që ky i fundit të dënohej me 6 muaj burg. Në shtator 2013 me një pistoletë lodër dhunoi dhe grabiti punonjësen e kazino “Admiral” ne Sarandë. Një dite pas ngjarjes së Sarandës, dhunoi dhe grabiti me pistoletë lodër punonjësen e një kazinoje tek Ura e Lumit në Gjirokastër.
Në vitin 2022 u dënua me 1 vit e 4 muaj burg per “kanosje” dhe “prodhim dhe mbajtje pa leje te armeve te ftohta”, pasi kanosi pranë një bankomati banke punonjësen e një zyre private në Sarandë. Në korrik 2023 u arrestua për vjedhje në një hotel në fshatin Livadhja të Bashkisë Finiq. Kumaraku është përdorues narkotikësh dhe i dënuar në Greqi për “trafik narkotikësh”.
