Reperi i njohur kosovar, Capital T, u ka bërë thirrje mediave në Kosovë që tu kushtojnë më shumë vëmendje zhvillime...
AKTUALITET
Dhunë në familje dhe drejtim mjeti në gjendje të dehur, arrestohen 3 persona në Tiranë, procedohen penalisht 5 të tjerë
b.zPërditësimi i fundit 15 Shkurt 2025, 16:43
Policia
TIRANË - Tre persona janë arrestuar nga Policia në Tiranë dhe pesë të tjerë janë proceduar penalisht pasi akuzohen për vepra të ndryshme penale. Sipas policisë në pranga kanë rënë personat me iniciale:
-A. B., 34 vjeç, pasi ka kanosur dhe ka ushtruar dhunë psikologjike ndaj nënës së tij.
-D. M., 35 vjeç, pasi në “Don Bosko” duke drejtuar automjetin në gjendje të dehur është përfshirë në aksident.
-I. L., 24 vjeç, pasi u kap duke drejtuar automjetin pa lejen përkatëse.
Ndërkohë procedimi penal ka nisur për personat me iniciale:
-E. D, 18 vjeç, K. S., 24 vjeç dhe për një 17 vjeçar, pasi në rrugën “Kastriotët”, për motive të dobta, kanë goditur me sende të forta njëri-tjetrin.
-M. A., 42 vjeç dhe M. H., 24 vjeç, pasi në rrugën “Pandi Dardha”, për motive të dobta, kanë goditur me grushta shtetasit E. A., 19 vjeç dhe një 15 vjeçar.
Gjithashtu policia bën me dije se në rrugën “Muhamed Gjollesha”, është konstatuar i dëmtuar xhami i derës së një filiali për dhënie kredie. Nga veprimet paraprake në prezencë dhe të përfaqueses së filialit rezulton se nuk është vjedhur asgjë në brëndësi të tij, ndërkohë kanë nisur hetimet për sqarimin e rrethanave dhe shkakut të dëmtimit të xhamit.
Materialet procedurale i kaluan Prokurorisë, për veprime të mëtejshme.
Njoftimi i plolotë i Policisë:
Specialistët për Hetimin e Krimeve në Komisariatin e Policisë Nr. 3 arrestuan shtetasin A. B., 34 vjeç, pasi ka kanosur dhe ka ushtruar dhunë psikologjike ndaj nënës së tij.
Specialistët e Qarkullimit Rrugor bënë arrestimin në flagrancë të shtetasve:
D. M., 35 vjeç, pasi në “Don Bosko” duke drejtuar automjetin në gjendje të dehur është përplasur me automjetin me drejtues shtetasin B. K. Nga përplasja ka vetëm dëme materiale;
I. L., 24 vjeç, pasi u kap duke drejtuar automjetin pa lejen përkatëse.
Specialistët për Hetimin e Krimeve në Komisariatin e Policisë Nr. 3 referuan materialet në Prokurori ku nisi procedimi penal për shtetasit E. D, 18 vjeç, K. S., 24 vjeç dhe për një 17 vjeçar, pasi në rrugën “Kastriotët”, për motive të dobta, kanë goditur me sende të forta njëri-tjetrin. Si pasojë e konfliktit janë dëmtuar lehtë shtetasi K. S dhe 17 vjeçari, të cilët pas mjekimit në spital, u larguan në banesë.
Po nga këta specialistë u referuan materialet në Prokurori dhe nisi procedimi në gjendje të lirë për shtetasit M. A., 42 vjeç dhe M. H., 24 vjeç, pasi në rrugën “Pandi Dardha”, për motive të dobta, kanë goditur me grushta shtetasit E. A., 19 vjeç dhe një 15 vjeçar.
Në rrugën “Muhamed Gjollesha”, është konstatuar i dëmtuar xhami i derës së një filiali për dhënie kredie. Nga veprimet paraprake në prezencë dhe të përfaqueses së filialit rezulton se nuk është vjedhur asgjë në brëndësi të tij. Punohet për sqarimin e rrethanave dhe shkakut të dëmtimit të xhamit.
Materialet procedurale i kaluan Prokurorisë, për veprime të mëtejshme.
