Në fund të vitit 2025, numri i mjeteve rrugore të regjistruara (me status aktiv ose të çregjistruara përkohësisht) arriti n...
AKTUALITET
Dhunoi fizikisht bashkëshorten, arrestohet në flagrancë 38-vjeçari në Elbasan
S.BPërditësimi i fundit 13 Qershor 2024, 11:16
foto ilustruese
ELBASAN- Arrestohen dy persona dhe procedohen tre të tjerë në Elbasan. Bëhet me dije se është arrestuar në flagrancë 38-vjeçari G.D pasi ka dhunuar bashkëshorten e tij, ku kjo e fundit u pajis me urdhër mbrojtjeje.
Gjithashtu është arrestuar 38-vjeçari D.D pasi u kap i dehur në timon. Janë proceduar tre persona ku një 18-vjeçar ka përplasur me makinë një motomjet.
Procedohen edhe një 32 dhe 17-vjeçar pasi gjatë kontrollit u janë gjetur sasi kokaine dhe një përforcues grushti.
Njoftimi i Policisë:
Komisariati i Policisë Librazhd arrestoi në flagrancë shtetasin G. D., 38 vjeç, banues në Librazhd, pasi ka ushtruar dhunë ndaj bashkëshortes së tij, e cila u pajis me urdhër mbrojtjeje.
-arrestoi në flagrancë shtetasin D. D., 38 vjeç, banues në Librazhd, pasi në aksin rrugor “Elbasan-Librazhd”, u kap duke drejtuar automjetin, në gjendje të dehur;
-referoi materialet në Prokurori ku nisi procedimi në gjendje të lirë për shtetasin D. Xh., 18 vjeç, banues në Librazhd, pasi ditën e djeshme, në aksin rrugor “Librazhd-Stërblevë”, automjeti që drejtonte është përplasur me motomjetin me drejtues shtetasin D. Gj., 23 vjeç, i cili është jashtë rrezikut për jetën.
Seksioni për Hetimin e Narkotikëve referoi materialet në Prokurori ku nisi procedimi në gjendje të lirë për shtetasin N. A., 32 vjeç, banues në Elbasan, pasi gjatë kontrollit fizik iu gjet dhe sekuestrua një sasi e vogël lënde e dyshuar narkotike kokainë.
Komisariati i Policisë Elbasan referoi materialet në Prokurori ku nisi procedimi në gjendje të lirë për një 17-vjeçar, pasi gjatë kontrollit fizik iu gjet një përforcues grushti.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.
