Në fjalën e saj në Kuvend Ina Zhupa ka mbajtur një qëndrim të ashpër ndaj qeverisë Rama.
Zhupa theksoi se ësht&e...
AKTUALITET
Dhunoi fizikisht kunatën e tij, procedohet penalisht 32-vjeçari në Korçë
S.BPërditësimi i fundit 19 Korrik 2024, 17:31
foto ilustruese
KORÇË- Procedohen penalisht shtatë persona në Korçë për vepra penale të ndryshme. Bëhet me dije se 32-vjeçari A.I është proceduar penalisht pasi dhunoi fizikisht kunatën e tij e cila u pajis me urdhër mbrojtjeje.
Ndërkohë 40-vjeçarja M.B ka ushtruar dhunë ndaj vajzës së saj të mitur. Të tjerë janë proceduar penalisht për trasportim lënde drusore të prerë ilegalisht, kalimi i kufirit në mënyrë të paligjshme si dhe shkaktimi i një aksidenti rrugor.
Njoftimi i Policisë:
Drejtoria Vendore e Policisë Korçë
Po nga këto struktura u referuan materialet në Prokurori, ku filloi procedimi penal për shtetasin A. I., 32 vjeç, banues në Babrru, Tiranë, pasi dyshohet se ka dhunuar kunatën e tij, e cila u pajis me urdhër mbrojtjeje.
Komisariati i Policisë Korçë referoi materialet në Prokurori, ku filloi procedimi penal për shtetasit:
▪Ll. B., 69 vjeç, banues në Korçë, pasi me vetëgjyqësi ka ndërruar bravën e derës së një banese me bashkëpronar vëllanë e tij;
▪ M. B., 40 vjeçe, banuese në Prrenjas, pasi dyshohet se ka dhunuar vajzën e saj të mitur.
Seksioni për Hetimin e Krimeve Ekonomike dhe Financiare referoi materialet në Prokurori, ku filloi procedimi penal për shtetasit:
▪ O. S., 32 vjeç, dhe L. I., 52 vjeç, banues në Pogradec, pasi në afërsi të fshatit Leshnicë, Pogradec, shtetasi O. S. u kap duke transportuar me mjetin tip kamion, 28 m sterë lëndë drusore të prerë në mënyrë të paligjshme, për llogari të subjektit në pronësi të 52-vjeçarit. Pas verifikimit të kryer, rezultoi se ky subjekt e ushtronte aktivitetin me dokumente të dyshuara të falsifikuara. Në cilësinë e provës materiale u sekuestruan automjeti, lënda drusore dhe dokumentacioni i subjektit;
▪ E. Ç., 33 vjeç, banues në Tiranë, pasi në hyrje të Pikës së Kalimit Kufitar Kapështicë, gjatë procedurës së regjistrimit, bashkë me pasaportën ka paraqitur një kartëmonedhë 20 euro, si dhe gjatë verifikimit në sistem rezultoi se kishte kaluar kufirin, në mënyrë të paligjshme.
Në vijim të informacionit paraprak të dhënë ditën e djeshme, për një aksident rrugor, ju informojmë se filloi procedimi penal për shtetasin T. B., 20 vjeç, banues në Maliq, drejtuesi i motomjetit që u përplas me automjetin tip “Benz”.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë.
