Në fund të vitit 2025, numri i mjeteve rrugore të regjistruara (me status aktiv ose të çregjistruara përkohësisht) arriti n...
AKTUALITET
Dita e Drejtësisë/ KLP dhe KLGJ mbledhje të përbashkët, ambasadori i BE-së: Qeveria dhe institucionet të mbështesin SPAK! Reforma në drejtësi të forcohet
n.fPërditësimi i fundit 10 Maj 2024, 11:03
Mbledhja
TIRANË- Në ditën e Drejtësisë, Këshilli i Lartë Gjyqësor dhe Këshilli i Lartë i Prokurorisë kanë zhvilluar ditën e sotme një mbledhje të përbashkët në kuadër të ditës së drejtësisë. Në këtë takim ishte i pranishëm edhe ambasadori i BE-së, Silvio Gonzato i cili përcolli mesazhin se reforma në drejtësi është e pakthyeshme dhe se arritjet e SPAK duhet të jenë të pakthyeshme.
Ai më tej shtoi se Shqipëria ka bërë hapa të rëndësishëm në të gjithë këto fusha. Ambasadori u shpreh se përpjekjet për të konsoliduar arritjet e SPAK duhet të mbështeten nga të gjithë komponentët e shtetit duke përfshirë dhe qeverinë. Ai tha se BE mbështet institucionet e drejtësisë dhe do të vazhdojë ta bëjë.
“Ka shuma arsye për të festuar sot. Progresi i bërë nga spak kundër korrupsionit dhe krimit të organizuar. Pastrimi nga sistemi i drejtësisë i prokurorëve dhe gjyqtarëve të korruptuar... Është kërkuar shumë kurajo për të qenë krenarë me punën e bërë nga spak.
Reforma në drejtësi duhet të forcohet, konsoliduar dhe duhet çuar përpara për të pasur më shumë rezultate. Këto rezultate t’u shërbejnë qytetarëve. Në këtë javë të Evropës kemi festuar në të gjithë vendin për gjithëpërfshirje në të drejtat e njeriut. Shqipëria ka bërë hapa të rëndësishëm në të gjithë këto fusha. Reforma në drejtësi është e pakthyeshme, dhe arritjet e spak duhet të jenë të pakthyeshme.
Përpjekjet për të konsoliduar arritjet e SPAK duhet të mbështeten nga të gjithë komponentët e shtetit duke përfshirë dhe qeverinë. Me këtë reformë është bërë shumë por sigurisht ka ende punë për të bërë. Doja tu falënderoja për punën e bërë. BE mbështet institucionet e drejtësisë dhe do të vazhdojë ta bëjë. Ky takim është bërë me asistencën e BE. Ky është fakt që do vazhdojë mbështetjen ndaj BE", tha ai mes të tjerash.
I pranishëm në mblejdhje ishte edhe kreu i KLP-së, Alfred Balla i cili gjatë fjalës së tij ka renditur sfidat e me të cilat përballet sot sistemi i drejtësisë. Balla tha se reforma në drejtësi u krijuar si një përpjekje për t’u anëtarësuar në BE dhe se përpjekjet për një reformim të drejtësisë nuk kanë munguar, por ato kanë qenë të pjesshme.
“Reforma në drejtësi është reforma më e rëndësishme që po ndodh në Shqipëri. Nuk kanë munguar përpjekjet, por ato kanë qenë të pjesshme. Reforma në drejtësi erdhi edhe si një përpjekje për tu anëtarësuar në BE. Reforma e drejtësisë përfshinë luftën kundër krimit të organizuar dhe korrupsionet.
Përpjekjet për të përmirësuar sistemin e drejtësisë u arritën përmes implementimit të reformës në drejtësi. Aktualisht prokuroria dhe gjykata po përballen me sifda që ne kemi për detyrë ti fitojmë
1-Kemi sfidën e plotësimit të vendeve të mbetura vakant nga procesi i vettingut. Duhen edhe disa vite për ti plotësuar radhët tona. 2- Kemi sfidën e gjetjes së një të mesme të artë mes cështjeve pa fund të akumuluara ndër vite. 3-Kemi sfidën e konsolidimit të organeve të drejtësisë. 4-kemi sfidën e rritjes së cilësisë së hetimit dhe gjykimit. 5-kemi sfidën e kontrollit profesional.6-Sfidsa kryesore rikthimin e besimit tek drejtësia," tha ai.
