Anëtari i Kryesisë së Partisë Demokratike, Grigels Muçollari, ka reaguar pas publikimit të një audio-dëshmie të...
AKTUALITET
Dita e Rinisë/ Djali Azem Hajdarit: Babai la garant fëmijët e tij për këtë ditë
PiranjatPërditësimi i fundit 8 Dhjetor 2025, 12:54
Djali i Azem Hajdarit ka folur ditën e sotme në lidhje me vendimet e rëndësishme që ka marrë babai i tij që shënuan Ditën e Rinisë.
Në një aktivitet në Qytet Studenti, ai ka përshkruar figurën e babait të tij dhe mënyrën se si ai mori lidershipin e lëvizjes studentore.
Ai e përshkroi të atin si një njeri të dashur me fëmijët dhe një politikan i zoti, që nuk kishte frikë nga asgjë. Ndërkohë që në fund theksoi se la garant fëmijët e tij dhe besën për këtë ditë.
“Kam kënaqësi që të jem këtu sot, në një ditë ku të gjithë shqiptarët duhet të jenë krenar.
Mendoj se falë këtij heroizmi që bënë këta njerëz, shqiptarët duhet të dinë se falë asaj sakrifice, sot shqiptarët po përjetojnë demokracinë.
Kur mori vendiim që të bëhej kryetar i Lëvizjes Studentore, ai sapo ishte bërë baba. Ai ra në dashuri me nënë time, ai u detyrua që ta rrëmbente atë, pavarësisht dashurisë së tyre. Këtë gjë nuk e lejoi sistemi.
Ai pas kthimit të tij në Tropojë, u nis sërish drejt Tiranës. Gjyshi im, rahmet pastë, duke qenë se ishte pasojë e kohës dhe brezave të kohës, e mendonte të pamundur që djali i vet të vinte në Tiranë. I thoshte; lëri këto ëndrra, se e ke të pamundur që ta bësh këtë gjë.
Qeshte dhe u tallte në mënyrë ironike. Por jo, Azemi nuk mendonte sot për sot, por mendonte më afatgjatë, për veten dhe miqtë e mi. Nuk e kishte konceptin e frikës, por as vdekjen dhe as humbjen, por mund të humbiste lirinë. Ai në Tiranë u njoh me miqtë e tij, dhe vendosëm të dilnin para plumbave dhe tanqeve. Në ditën kur studentët u konfuzuan pak, ata s’po dinin nëse do e përkrahini.
Ai u ngrit sipër shokëve të tij dhe tha; dal garant me fëmijët e mi, Kirin dhe Rudinën. Nëse unë ju tradhtoj, keni fëmijët e mi,” tha djali Azem Hajdarit.
