Një zë i rëndësishëm në Kongresin e Shteteve të Bashkuara të Amerikës, republikania Alexandria Ocasio Cortez ka rea...
AKTUALITET
Djali i Shefit të Krimeve vazhdon sulmet, kërcënon me jetë vajzën e mitur të gazetarit Pirro Nase!
PiranjatPërditësimi i fundit 2 Tetor 2025, 16:03
Vajza e mitur e gazetarit Piro Nase është kërcënuar sot nga djali i Dhurim Çenkos, shefi i Krimeve në Përmet i cili u pezullua nga detyra për skandalin seksual në atë qytet pak javë më parë.
Kërcënimet ndaj gazetarit nisën pikërisht sepse ishte i pari që denoncoi pezullimin e shefit të Krimeve në Përmet.
Lidhur me ngjarjen ka reaguar edhe Asociacioni i Gazetarëve të Shqipërisë i cili e ka konsideruar një akt të rëndë dhe autori duhet të mbajë përgjegjësi.
Reagimi i AGSH:
REAGIM PËR THELLIMIN E KËRCËNIMEVE NDAJ GAZETARIT PIRRO NASE
Fatkeqësisht, sulmet ndaj gazetarit të Report Tv, Pirro Nase nuk janë ndalur, pavarësisht denoncimit të kërcënimeve në polici dhe publikimit të të dhënave. AGSH është njohur sot nga gazetari më kërcënimin e vajzës së tij nga familjarë të një punonjësi policie për të cilin Nase ka raportuar.
Ky është një akt i rëndë për të cilën autorët e dyshuar duhet të mbajnë përgjegjësi. Ne bëjmë thirrje për veprime të menjëhershme të autoriteteve shtetërore dhe sigurimin e mbrojtjes së gazetarit dhe lejimin e tij të kryejë detyrën pa frikësim dhe pengesa.
AGSH solidarizohet me kolegun Pirro Nase dhe familjen e tij në këto momente.
Gjejmë rastin të apelojmë për gazetari të përgjegjshme dhe etike.
