Ashtu siç pritej, me të mbërritur te kryeministria, ka nisur përplasja mes policisë dhe protestuesve.
Kanë qenë kë...
AKTUALITET
"Do e gjenim me anë të policit"/ Artan Tafani rrëfen në GJKKO detaje për vrasjen e Rexhep Ginës
PiranjatPërditësimi i fundit 17 Qershor 2026, 17:50
Bashkëpunëtori i drejtësisë, Artan Tafani ka rrëfyer këtë të mërkurë në GJKKO detaje të planit për vrasjen e Rexhep Ginës, ngjarje që nuk u realizuar. Tafani ka deklaruar para togave të zeza se planifikimi për eleminimin e Ginës kishte nisur në Greqi dhe me anë të një polici do gjenin Rexhep Ginën që jetonte në Athinë.
Tafani bëri me dije se kjo bisedë ishte bërë në vitin 2021, nga ku ai ishte kthyer më shpejt në Shqipëri, ndërsa Laert Haxhiu në muajin tetor.
“Në korrik 2022 kemi kryer veprime për vrasjen e Rexhep Ginës. Ginën e njoh nga fotot, personalisht jo. Për vrasjen e Ginës interesohej Laerti. Ishte për punë hasmërie, se Gina ka qenë i grupit të Aldo Bares. Kanë pasur konflikt për punë pronash me xhaxhain e Laertit. Për herë të parë për këtë vrasje kemi diskutuar në Athinë, diku nga korriku a nga gushti.
Në Greqi e diskutuam. Ma tha mua. Bënte bisedë edhe me Marjon Diamantin, që njihte një polic grek.
Me anë të atij policit do gjenim Rexhep Ginën, se jetonte në Athinë. Diskutimi është bërë mes meje, Laertit, Marjo Diamantit, që është vrarë me pas në Greqi dhe Xhino Bajramit. Më vonë kemi diskutuar për vrasjen. E ruante Laerti Ginën. Jo Laerti vetë, por njerëz të tij.
E shikonin sa herë kalonin tek lokali i tij dhe i çonin ndonjë video a foto. Për të vrarë Rexhep Ginën kam shkuar me Fatjon Veliun”, u shpreh Tafani.
