Pamje të rënda janë publikuar nga protesta studentore në Tiranë. Siç shihet edhe në video, një i ri nga Tirana ...
AKTUALITET
"Do ta denoncojmë"/ Mbesa e Parashqevi Simakut hedh akuza të forta ndaj aktorit: I hyri pa leje në dhomën e hotelit, halla është krizë emocionale si pasojë e këtij njeriu
ZH.LLPërditësimi i fundit 30 Dhjetor 2024, 22:20
Ina-Parashqevi Simaku-aktori
SHBA- Mbesa e këngëtares ikonë, Parashqevi Simaku, Ina Simaku, ka hedhur akuza të forta ndaj aktorit Herion Mustafaraj. Simaku pretendon se aktori ka hyrë pa leje në dhomën e hotelit ku ndodhej halla e saj dhe ka bërë disa veprime dashakeqe.
Mbesa e këngëtares thotë se aktori Mustafaraj ka kërcënuar madje vëllain e saj, ndërsa shton se ka e gënjyer Parashqevinë duke i thënë që do i gjejë Lukën dhe Robertin kur në fakt ajo është në kontakt dhe do t'i takojë se shpejti. Ndër të tjera, Ina Simaku thotë se halla e saj është në krizë emocionale dhe nuk është mirë si pasojë e Herion Mustafarajt.
Më tej, Simaku thekson edhe një herë se Parashqevia i është besuar Elton Ilirjanit, teka thekson se çdo ndëryrje nga persona të tjerë do t'i denoncojnë në polici.
"Familja Simaku është e gjitha shumë e shqetësuar nga veprimet pa limit të Herion Mustafaraj! Ai po destabilizon motrën, hallën dhe nënën tonë! Edhe Robert dhe Luka janë në kontakt me Parashqevinë! Ne të gjithë së bashku ja kemi besuar këtë situatë delikate Elton Ilirjanit!
Ai po bën të mundur edhe takimin pas 15 vitesh të Parashqevisë me djalin e saj, Lukën! Herion Mustafaraj rastësisht punon në hotelin ku është strehuar Parashqevia dhe ka bërë disa veprime dashakeqe! Ka hyrë pa leje në dhomën e saj me çelësin e punës!
Ka kërcënuar vëllain tim Ani Simaku dhe ka folur me Parashqevinë duke gënjyer dhe duke i thënë që do i gjejë Lukën dhe Robertin kur ajo është në kontakt dhe ajo do takohet se shpejti!
Parashqevia është në krizë emocionale dhe nuk është mirë si pasojë e këtij njeriu! Ne e kemi bërë të qartë, Elton Ilirjani ma besimin e familjareve Simaku, Lukës dhe Robertit!
Çdo ndërhyrje tjetër nga ne konsiderohet dashakeqe dhe do denoncojmë në polici! I kërkojmë shtetit shqiptar dhe konsullatës shqiptare në New York të na mbrojë!”, ka pretenduar mbesa e Parashqevi Simakut.
