Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
AKTUALITET
Drejtori i Përgjithshëm i Policisë së Shtetit, Ilir Proda, zgjidhet president i SEPCA-s: Luftë pa kompromis krimit për të garantuar sigurinë
M.B.Përditësimi i fundit 14 Dhjetor 2024, 10:13
BEOGRAD- Drejtori i Përgjithshëm i Policisë së Shtetit Ilir Proda është zgjidhur në krye të SEPCA, shoqata e Shefave të Policisë në Evropën Juglindore. Ai do ta mbajë postin e Presidentit të SEPCA-s deri në muajin dhjetor të vitit 2025. Gjatë ceremonisë së Asamblesë së Përgjithshme të SEPCA-s zhvilluar në Beograd, Proga u shpreh se do të angazhohet maksimalisht në drejtimin e shoqatës dhe se mision i tij është është lufta pa kompromis kundër krimit dhe garantimi i sigurisë së qytetarëve.
“Ju siguroj për angazhimin tim maksimal në krye të SEPCA-s dhe të Policisë së Shtetit Shqiptar për të punuar bashkërisht duke thelluar më shumë bashkëpunimin e deritanishëm. Ne jemi punonjës policie dhe kemi një mision: luftë pa kompromis krimit për të garantuar sigurinë e qytetarëve të vendeve tona. Te Policia e Shtetit Shqiptar do të gjeni angazhim, përkushtim, vendosmëri dhe besueshmëri për të zhvilluar hetime dhe operacione të përbashkëta.
Pjesëmarrja e presidentit të Interpolit dhe përfaqësuesve të tjerë të agjencive ligjzbatuese është tregues i mbështetjes dhe besimit që ata kanë te puna jonë, dhe kjo na obligon për të ecur përpara, duke korrigjuar ato që s’kemi bërë mirë dhe duke ndërmarrë hapat e duhur për të parandaluar e goditur krimet globale që kërcënojnë mbarë botën, me qëllim që të mundësojmë sundimin e ligjit dhe krijimin e një ambienti sa më të pasigurt për ata që shkelin ligjin”, tha Proda.
Gjatë Asamblesë së Përgjithshme të SEPCA-s, pjesëmarrësit diskutuan mbi situatën aktuale dhe rolin rajonal të SEPCA-s në luftën kundër kontrabandimit të qenieve njerëzore dhe trafikimit të emigrantëve, sinergjitë rajonale në luftën kundër krimit kibernetik, forcimin e mëtejshëm të bashkëpunimit operacional rajonal në luftën kundër të gjitha fenomeneve kriminale që prekin vendet e rajonit të SEPCA-s, rritjen e bashkëpunimit në fushën e trajnimeve, si edhe mbi rëndësinë dhe vlerësimin e rolit të grave në radhët e Policisë.
