Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
AKTUALITET
"Dua që babi të kthehet, nuk mund të fle pa të!" 41-vjeçari shqiptar dëbohet për herë të dytë nga Franca, bashkëshortja: Është shumë e vështirë, nuk i shoh dot fëmijët duke qarë
M.B.Përditësimi i fundit 30 Gusht 2024, 09:29
Fotot familjare
FRANCA- 41-vjeçari shqiptar Gazmir Hoti, kuzhinier restoranti dhe banues në La Rochelle të Francës është dëbuar nga autoritetet e këtij vendi më 27 gusht drejt Shqipërisë. Kjo mësohet të jetë hera e dytë që Hotin e largojnë në dy vite. Ai është baba i dy vajzave të mitura 4 dhe 6 vjeçe. Lidhur me rastin shoqata “Solidarite”, të afërmit dhe banorët dënojnë aktin e autoriteteve dhe kërkuan anulimin e vendimit.
41-vjeçari shqiptar u arrestua në mëngjesin e 27 gushtit në shtëpinë e tij dhe më pas u kthye për në Shqipëri. Mbështetësit e Gazmirit kanë kërkuar takim edhe me autoritetet në La Rochelle, teksa media “France Blue” i kontakton në restorantin ku Hoti punonte prej muajit prill si kuzhinier, zona e portit. Po ashtu media franceze shkruan se një nga vajzat, 6-vjeçe, i shkoi gazetarëve me një letër të shkruar në duart e saj dhe e drejtuar ndaj prefektit, me këtë mesazh: "Dua që babi të kthehet, nuk mund të fle pa të!"
Sipas medias franceze, 41-vjeçari u kthye në Shqipëri pasi u kërcënua nga ish-bashkëshorti i motrës së tij. Ndërsa gruaja e Hotit kërkon kthimin e tij me sytë e saj në lotë dhe dëshpërim, shkruan media.
“Nuk ndihemi mirë, jemi të traumatizuar nga situata. Ne vuajmë për asgjë, punojmë të dy, është shumë e vështirë, nuk i shoh dot fëmijët duke qarë”, thotë gruaja e Gazmirit.
Për median franceze ka folur dhe ka shprehur shqetësimin e tij lidhur me situatën dhe Eric Joyaux, anëtar i shoqatës së migrantëve “Solidarité”.
"Është një humbje e pabesueshme, do të kishte çdo arsye për të vepruar në mënyrë koherente sepse ne nuk mund t'i parandalojmë njerëzit që ikin nga vendi i tyre për të ruajtur jetën e tyre, është e pamundur. Unë jam i indinjuar, e di që është një problem politik, shteti dhe Ministri i Brendshëm duhet të japë shifra dhe fakte”, tha ai.
Nga ana e tij, Patrice Modolo thotë se është "i frikësuar". Ai është pronar i restorantit La Marie Galante, ku Gazmir punon prej muajit prill.
“Ai e ka integruar veten në një mënyrë të jashtëzakonshme dhe është bërë një vëlla i madh për punonjësit e mi të rinj, do të kisha dashur të kisha kaluar një pjesë të rrugës me të, sepse ai është vërtet shumë interesant”, u shpreh ai.
I kontaktuar nga “France Bleu La Rochelle”, prefekti i Charente-Maritime shpjegoi situatën e pazakontë.
“Kërkesat e tij për azil u refuzuan, jo nga prefektura, por nga OFPRA, zyra franceze për mbrojtjen e refugjatëve dhe personave pa shtetësi”, thotë Brice Blondel.
