Përdoruesit e platformave Facebook, Instagram dhe Messenger kanë raportuar probleme me funksionimin e tyre pasditen e së mërkurës, 22...
AKTUALITET
Durrës/ Qytetari denoncon: IKMT na shembi shtëpinë pa të drejtë, jemi rrugëve, kam fëmijë të sëmurë!
PiranjatPërditësimi i fundit 30 Janar 2026, 11:19
Një qytetar ka denoncuar në redaksinë e Piranjave, shembjen e shtëpive nga IKMT në zonën e Urës së Dajlanit, Durrës.
Qytetari shkruan se IKMT i ka shembur banesën ku jetonte prej vitesh, duke nxjerrë me forcë jashtë 6 anëtarë të familjes, pa asnjë zgjidhje alternative strehimi.
Sipas denoncimit, në familje ka fëmijë binjakë me aftësi të kufizuara, pjesë e spektrit të autizmit, të cilët aktualisht janë detyruar të qëndrojnë në ambient të hapur.
Qytetari pretendon se veprimi është kryer pa një proces të rregullt ligjor dhe pa u respektuar të drejtat , duke e lënë familjen në mes të katër rrugëve.
“Na nxorën me forcë, pa asnjë të drejtë, madje edhe me fëmijë me aftësi të kufizuara. Sot jemi jashtë, pa strehë,”shprehet ai në mesazhin e tij të denoncimit.
Rasti ngre pikëpyetje serioze mbi mënyrën e trajtimit të familjeve në situata të tilla dhe kërkon reagim nga institucionet përgjegjëse, veçanërisht për mbrojtjen e fëmijëve dhe personave në nevojë.
Ndërkohë nga pamjet e mbërritura në redaksinë tonë shikohen pamjet e rrënuar të banesave dhe qytetarët që shprehen të indinjuar sesi shteti mund të ju prishë banesat duke i lënë në qiell të hapur/PiranjatNews
Denoncimi
Pershendetje
IKMT ma shemi shpin pa asnjelloj te drejte kundershtim me ligjin.
Jam veti 6 antar na ka nzerr me forc me mbeshtejen e policis te shtetit pa as nje lloj te drejte madje me femi me aftesi te kufizume me spektrin autizmt binjak ju lutem bojeni publike sa ma shum po rrim perjashta
