Kreu i degës së Partisë Demokratike në Krujë, Aulon Kalaja, ka denoncuar publikisht presione të dyshuara të policisë n...
AKTUALITET
Dy orë protestë, bulevardi plot qytetarë ndriçohet nga blicat e telefonave: Jep dorëheqje, anulo projektin
PiranjatPërditësimi i fundit 3 Qershor 2026, 20:38
Po vijon tashmë prej dy orësh protesta në Bulevardin Dëshmorët e Kombit në Tiranë, kundër projektit të ndërtimit të resortit luksoz në Zvërnec. Mijëra qytetarë kanë ndezur blicat e telefonave dhe kërkojnë anulimin e projektit dhe largimin e Edi Ramës.
Një nga qytetarët e pranishëm ka deklaruar se protestuesit nuk do të largohen nga sheshi pa dhënë dorëheqjen Rama. Gjatë fjalës së tij, ai u shpreh se koha e talljes së Ramës me Kombinatin, Durrësin, Lezhën, Vlorën dhe e vjedhjes së Shqipërisë i ka ardhur fundi.
Ai e cilësoi Ramën si kryehajdut dhe tradhëtar të Shqipërisë.
Qytetari: Edi Rama, të ka mbetur vetëm një vendim i fundit për të marrë, të japësh dorëheqjen. Koha jote e talljes me shqiptarët, me Kombinatin, Durrësin, Lezhën, Vlorën dhe e vjedhjes së Shqipërisë i erdhi fundi. Ti je hajdut dhe kryehajdut, je tradhtar i Shqipërisë. Duhet të japësh dorëheqjen një orë e më parë.
Pa hequr dorë ti nga kjo zyrë, ne nuk do të largohemi. Do të rrimë këtu deri sa të thuash: “Jam i mbaruar”. Kam vetëm një fjalë për të gjithë shqiptarët e lodhur dhe të munduar nga Edi Rama, të qëndrojmë këtu deri sa të realizojmë dorëheqjen e Edi Ramës
