Gazetarja e njohur e Vlorës, Afrovita Hysaj ka treguar momentet e fundit të kolegut dhe mikut Enrik Mehmeti drejt Zvërnecit, mbrëmjen e t&...
AKTUALITET
"Dyshova se njëri prej tyre kishte armë zjarri!" Plagosja me 8 plumba e dy personave në Malësi të Madhe/ Dëshmia e autorit: Më rrahën nipin, shkova për të folur
M.B.Përditësimi i fundit 16 Shtator 2024, 11:16
MALËSI E MADHE- Vijojnë të dalin të tjera detaje nga plagosja e dyfishtë e e 15 shtatorit ndodhur në Malësi të Madhe ku u qëlluan me armë zjarri Besmir Çofi dhe Avenir Hasanaj. Mësohet se autori i dyshuar, Lul Rakaj i cili u arrestua pak orë pas ngjarjes ka dhënë dëshminë e tij në policinë e Shkodrës. Bëhet me dije se ai ka deklaruar se ka qëlluar në drejtim të dy shtetasve pas një konflikti që ka patur nipi i tij dhe duke dyshuar se Besmir Çofi dhe Avenir Hasanaj ishin të armatosur. Ai ka thënë se ka shkuar afër të flasë ne ta.
“Pak ditë më parë dy personat që kam plagosur kanë goditur nipin tim duke e rrahur. Nuk e di se çfarë konflikti kanë pasur por di që më kanë goditur nipin i cili më tregoi për ngjarjen e ndodhur. Unë shkova për të folur me ta dhe aty nisi debati. Dyshova se njëri prej tyre kishte armë zjarri ndaj duke menduar se mund të më vrisnin qëllova ndaj tyre”, ka deklaruar Lul Rakaj.
Ngjarja ndodhi në rrethrrotullimin e Grikës në Malësinë e Madhe në hyrjen e një lokali. Rakaj dyshohet se qëlloi 8 herë në drejtim të Besmir Çofit dhe Avenir Hasanaj duke i lënë të plagosur. Hasanaj mori një plumb në gjoks dhe ishte në gjendje të rëndë shëndetësore. Pas operacionit në spital kaloi rrezikun për jetën. Pas ngjarjes në ndihmë të efektivëve të Shkodrës mbërritën forcat speciale RENEA të cilat pas pak orësh arritën të prangosin Lul Rakaj. 38 vjeçari tentoi që të çajë rrethimin e RENEA, por forcat speciale arritën ta ndalojnë. Në automjet Lul Rakaj kishte edhe bashkëshorten.
