Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
AKTUALITET
E futën në kurth me një profil vajze dhe e vranë në pritë, Prokuroria e Shkodrës mbyll hetimet për vëllezërit (emrat)
PiranjatPërditësimi i fundit 16 Tetor 2025, 12:28
Prokuroria e Shkodrës ka mbyllur hetimet dhe ka dërguar për gjykim dy vëllezërit Arjon dhe Klisman Hasaj te akuzuar për vrasjen e shtetasit Ramazan Mataj në Postribë.
Ramazan Mataj kishte një lidhje të gjatë dashurie me një vajzë të fshatit Dragoç në Postribë të Shkodrës, dashuri e ndaluar kjo, pasi familja e kishte martuar të renë, 2 herë.
Martesat dyshohet se janë prishur pikërisht prej historisë që të rinjtë nuk e ndalën, dhe që nuk u kalua lehtë nga vëllai i madh i vajzës, i cili siç tregoi në një rast i kishte parë bashkë.
Për këtë arsye, ai hapi një profil fals në rrjetet sociale, dhe u shtir të ishte një vajzë që kishte ardhur në fshat tek tezja e saj. Me këtë skenar e ftoi në një takim të riun, aty ku edhe e vrau me breshëri kallashnikovi brenda makinës mbrëmjen e së shtunës
Njoftimi:
Prokuroria Shkodër dërgon në gjyq 2 vëllezërit për veprën penale ‘Vrasja me paramendim’ dhe katër vepra të tjera
Prokuroria pranë Gjykatës së Shkallës Parë të Juridiksionit të Përgjithshëm Shkodër, përfundoi hetimet dhe dërgon në gjyq dy vëllezër, shtetasit A.H. dhe K.H., të akuzuar për pesë vepra penale.
Në kuadër të hetimeve mbi ngjarjen e ndodhur në 05.01.2024 ku rreth orës 07:15 në vendin e quajtur ‘Dragoç’ njësia administrative Postribë, Bashkia Shkodër, u vra me armë zjarri në automjetin e tij shtetasi R.M.
Në lidhje me këtë ngjarje pasi janë kryer veprimet hetimore dhe procedurale, për zbardhjen e plotë të rrethanave dhe motivin, në përfundim të hetimeve, u morrën të pandehur vëllezërit, shtetasit A.H. dhe K.H., të cilët akuzohen për kryerjen e veprave penale ‘Vrasja me paramendim’, e kryer në bashkëpunim, ‘Mbajtja pa leje dhe prodhimi i armëve, armëve shpërthyee dhe municionit’, ‘Prishja e qetësisë publike’, ‘Sigurimi i kushteve për të kryer vrasje’ dhe ‘Veprime që pengojnë zbulimin e së vërtetës’ parashikuar në nenet 78-25, 278/1/4-25, 274-25, 80-25 dhe 301-25 të Kodit Penal.
