Përpara bllokut të sigurisë pranë Komisariatit nr. 3 në Tiranë, një burrë 54-vjeçar përpiqet të mbaj&...
AKTUALITET
“E ngarkova vetë valixhen në makinë," Mark Samson ndryshon dëshminë, pikëpyetje të reja për hetuesit: Më ka parë një person!
n.fPërditësimi i fundit 27 Prill 2025, 22:02
ITALI- Detaje të tjera janë zhardhur në lidhje me vrasjen e 22-vjeçares shqiptare Ilaria Sula. Autori Mark Samson ka folur sërish që lidhje me valixhen në të cilën futi trupin e pajetë të Ilarias pasi e vrau në dhomën e tij të gjumit më 26 mars. Filipinasi thekson se e ka nxjerrë vetë nga shtëpia valixhen dhe e ka futur po vetë në makinën e tij.
Ndryshe nga herët e tjera ai përmendur edhe një dëshmitar teksa pretendon se ai e ka parë teksa tërhiqte valixhen që përmbante trupin e Ilaria Sulas. Kjo deklaratë ka ngritur pikëpyetje të reja për hetuesit, se pse, pavarësisht bujës së madhe mediatike, ky dëshmitar nuk është paraqitur ende.
“E ngarkova vetë valixhen në makinë, jam i fortë, më vini në provë. Më ka parë edhe një person”, shkruan 23-vjeçari në letrën e tij që i është dorëzuar prokurorëve të Romës nga avokatët e tij.
Hetuesit e çështjes, të udhëhequr nga prokurori i Romës Giuseppe Cascini, kanë zbuluar se Samson ka gënjyer në mënyrë të përsëritur gjatë hetimeve. Ai ka fshehur faktin që kishte dështuar në studimet e tij, që kishte dhënë vetëm një provim në arkitekturë. 23-vjeçari ka gënjyer edhe për rolin e nënës së tij, e cila sipas të dhënave të policisë, e ka ndihmuar të pastrojë gjakun pas krimit.
Gjithashtu, ai kishte tentuar të devijonte hetimet duke përdorur telefonin e viktimës për të simuluar lëvizje të rreme në Napoli dhe për të krijuar idenë se Ilaria ishte gjallë dhe kishte takuar një mik të njohur në internet.
