Një shpërthim me lëndë të dyshuar plasëse është regjistruar në orët e para të mëngjesit të so...
AKTUALITET
Dosja “Black Eagle”, Gjykata e Apelit të Brukselit kërkon dënim me 8 vjet burg për Arten Hamzain
n.fPërditësimi i fundit 27 Prill 2025, 19:15
BRUKSEL- Seanca e radhës është zhvilluar në Gjykatën e Apelit të Brukselit ndaj Arten Hamzait në çështjen “Black Eagle”,që lidhet me një rrjet të gjerë trafiku kokaine që gjeneroi qindra milionë euro midis 2018 dhe 2020. Gjatë seancës Avokati Benjamine Bovy kërkoi lirimin e 27-vjeçarit Arten Hamzai, djali i Alfredo Hamzait.
Ai dyshohet se ka mbështetur të atin, veçanërisht në pastrimin e parave të pista. I riu u shpall i pafajshëm nga Gjykata e Shkallës së Parë më 26 qershor 2024. Avokati Bovy argumentoi konfirmimin e këtij vendimi.
“Provat në këtë çështje nuk të lejojnë të konkludosh se klienti im është fajtor”, deklaroi ajo.
Sipas prokurorit federal, Arten Hamzai ishte i përfshirë në rrjetin gjigant të trafikut të drogës që drejtohej nga babai i tij dhe, veçanërisht, mori pjesë në pastrimin e parave të paligjshme nëpërmjet kompanive të babait të tij, në të cilat ai mbante aksione.
Gjykata kërkoi një dënim me 8 vjet burg për të. Kur u pyet më 26 mars, i pandehuri deklaroi se nuk ishte në dijeni se ishte aksioner në kompanitë e mëposhtme: Summer Dépôt, pronar i një kompleksi të madh të pasurive të paluajtshme dhe mikpritëse në Shqipëri, Fabrika e Bukës, Peer 2019 dhe 2A Construction. Për Bovy, edhe nëse gjykata do të konsideronte se klienti i tij gënjen dhe se ai ishte plotësisht në dijeni të asaj që posedonte, prokurori publik nuk ka ofruar prova se këto struktura janë përdorur për pastrimin e parave.
Avokati i shqiptari tjetër Erik I. argumentoi konfirmimin e vendimit të dhënë në shkallë të parë për klientin e saj para Gjykatës së Apelit të Brukselit, me fjalë të tjera një dënim me burg me kusht. Erik I., një i ri shqiptar që studion në Itali, akuzohet se ka marrë pjesë në trafik duke transportuar vazhdimisht drogë.
Nga elementë të ndryshëm të hetimit rezultoi se ai kishte transportuar drogë me biçikletë për llogari të kunatit të tij, Indrit Kulaj. Ai është një nga dy drejtuesit e dyshuar të një rrjeti të madh që transportonte kokainë nga Amerika Latine në Evropë nëpërmjet porteve belge, grup i çmontuar në vitin 2020.
Në rrëfim, Erik I. tha: “Ndihem i turpëruar për gjërat që kam bërë. Kam menduar shumë që atëherë. Dua t’i lë të gjitha këto pas dhe të vazhdoj jetën time”. Në shkallë të parë, në qershor 2024, gjyqtari i dha këtij të penduari një masë favorizuese: pezullim me kusht, shoqëruar me dënim me burg.
“Klienti im i ka plotësuar të gjitha kushtet e këtij dënimi me kusht”, këmbënguli avokati mbrojtës. “Gjyqtari e kishte urdhëruar të rifillonte studimet që kishte braktisur në Itali dhe vërtet është regjistruar sërish në universitet. Gjyqtari e kishte urdhëruar të gjente një punë dhe ai ka një kontratë pune,” shpjegoi ajo.
Erik I. nuk e apeloi dënimin e tij në shkallë të parë. Në gjykatë ai ka kërkuar dënimin me 7 vite burg për të riun. Disa nga shqiptarët e përmendur në këtë proces janë identifikuar më parë nga mediat e ata janë Artur S., Indrit Kulaj, Arben I., Alfredo Hamzai, Arten Hamzai, Fjodor B., Aldo T., Llazar S., Marsel A., Erik I., Geron Z., Klodjan B., apo kosovari Bashkim O., të konsideruar ndër ‘lojtarët’ më të mëdhenj shqiptarë në tregun e kokainës.
Në këtë dosje janë zbuluar edhe lidhje me zyrtarë në Shqipëri, përfshirë korruptimin e një prej tyre me një orë 400 mijë euro apo takime me ta në Antilet hollandeze për të mundësuar leje ndërtimi për kullë në Tiranë.
