Moti i paqëndrueshëm ka përfshirë gjatë orëve të fundit qarkun e Elbasanit, ku reshje të dendura shiu, breshër dh...
AKTUALITET
E pazakontë në Kamëz/ Qytetarja denoncon motrën e saj: Më ka bllokuar rrugën, policia u jep të drejtë vetëm atyre që janë të bukura
PiranjatPërditësimi i fundit 23 Mars 2026, 10:27
Një qytetare ka denoncuar në redaksinë e Piranjave, një situatë të pazakontë dhe shqetësuese që po ndodh në zonën e Kamzës, ku ajo pretendon se i është bllokuar rruga e përbashkët nga motra e saj dhe bashkëshorti i kësaj të fundit.
Sipas mesazhit së qytetares, konflikti lidhet me përdorimin e një rruge të përbashkët, e cila, sipas saj, është bllokuar me një portë.
Ajo thekson se çështja është referuar edhe në polici, ku motra e saj ka firmosur një deklaratë se nuk do ta pengojë më kalimin, por kjo marrëveshje, sipas denoncimit, nuk është respektuar.
Qytetarja shton se ka kërkuar ndërhyrje edhe nga Inspektorati Kombëtar i Mbrojtjes së Territorit (IKMT), por sipas saj, institucioni nuk ka ndërmarrë veprime për heqjen e portës, duke e orientuar drejt zgjidhjes në gjykatë.
Një tjetër element që e rëndon situatën, sipas saj, është fakti se aktualisht ndodhet jashtë vendit. Ajo shprehet se ka edhe probleme familjare dhe shëndetësore me familjarët e saj.
Në denoncimin e saj, qytetarja ngre edhe akuza ndaj Policisë së Kamzës, duke pretenduar se nuk ka marrë zgjidhje të drejtë dhe se ata i japin të drejtë vetëm atyre që janë më të bukura.
Rasti në fjalë ngre pikëpyetje mbi funksionimin e mekanizmave për zgjidhjen e konflikteve të pronësisë dhe rolin e institucioneve në garantimin e të drejtave të qytetarëve.
