Sali Berisha deklaron se Belinda Balluku duhet të ishte prapa hekurave dhe jo të ecte e lirë. Në një komunikim me gazetarët, kre...
AKTUALITET
E rëndë në Itali, djali shqiptar dhunon nënën ditën e lindjes dhe më pas zhduket! Kamerat e filmuan duke u hedhur në det (EMRI)
PiranjatPërditësimi i fundit 22 Shkurt 2026, 10:33
Debaton me nënën dhe e dhunon gjatë darkës për 20-vjetorin e lindjes dhe s largohet nga shtëpia dhe më pas fiksohet nga kamerat e portit të Porto di Civitanova teksa hidhet në det.
Orë ankthi për Rikardo Merkurin, një i ri me origjinë shqiptare dhe banues në Pollenza, kërkimet për të cilin vijojnë që prej pasdites së djeshme. Në terren po punojnë zjarrfikësit e njësisë së zhytësve nga Teramo, së bashku me rojën bregdetare dhe karabinierët. Shpresa është që i riu të ketë dalë në një pikë tjetër të basenit portual dhe më pas të jetë larguar në gjendje shoku, ashtu siç kishte lënë edhe banesën. Por ndër hipotezat është edhe më e rënda.
Rindërtimi i ngjarjes
Nëna, Albana Kastriot, pronare e një qendre estetike, e cila u dhunua rëndë nga i biri, ndodhet në spitalin e Ospedale di Macerata në gjendje të rëndë, por jashtë rrezikut për jetën. Në shtëpi, të premten në orarin e darkës, ndodheshin 20-vjeçari dhe nëna, ndërsa babai, Mario Merkuri, sipërmarrës i vogël në ndërtim (i pranishëm dje në port gjatë kërkimeve) dhe djali tjetër më i madh ishin jashtë. Familja, me origjinë shqiptare, është e njohur dhe e integruar plotësisht. Ata jetojnë në Pollenza që nga vitet ’90; dy djemtë janë shtetas italianë dhe Riccardo ka luajtur edhe futboll me Montemilone.
Rreth orës 21:00 të mbrëmjes së kaluar ndodhi episodi dramatik. Një fqinj dëgjoi britma nga banesa ngjitur dhe lajmëroi karabinierët. Kur forcat e rendit mbërritën në vendngjarje, i riu ishte larguar, ndërsa gruaja u gjet pa ndjenja në banjë, shkruajnë mediat italiane. Ajo ishte sulmuar dhe rrahur për shkaqe që ende duhet të sqarohen. Në vendngjarje ndërhyri edhe ambulanca që e transportoi Albanën në spital. Ajo ka nofullën e thyer dhe ndodhet në koma të induktuar farmakologjikisht. Fatmirësisht, nuk është në rrezik për jetën.
Kërkimet në port
Menjëherë nisën kërkimet për të riun, i akuzuar për plagosje të rëndë. Riccardo Merkuri u largua me makinën e tij, një Mercedes-Benz Classe A, duke lënë celularin në shtëpi, pajisje që më pas u sekuestrua nga karabinierët. Ai arriti t’u humbiste gjurmët autoriteteve deri pasditen e djeshme, kur makina u gjet në parkimin e largo Donatori di Sangue, pranë hyrjes së portit të Civitanovës. Më pas u njoftua Zyra Detare për të verifikuar pamjet e kamerave të zonës portuale.
Në pamje shihet i riu duke hyrë nga aksesi i parë dhe duke mos dalë më. Më pas, kamerat e tregojnë teksa hidhet nga bregu. Ai rishfaqet në sipërfaqe, ngjitet sërish dhe hidhet pak më tej. Që nga ai moment nuk shihet më. Në operacion janë angazhuar zhytës, dy gomone dhe një motovedetë. Kërkimet vijonin edhe mbrëmjen e djeshme. /PiranjatNews/
