Një shpërthim me lëndë të dyshuar plasëse është regjistruar në orët e para të mëngjesit të so...
AKTUALITET
"Eksport që s'duhet të kishte ndodhur"/ Puckett për rikthimim e mbetjeve toksike në Shqipëri: Fikën radarët e gjurmimit satelitorë, na lindi dyshimi!
n.fPërditësimi i fundit 27 Tetor 2024, 22:20
Puckett
TIRANË- Drejtori Ekzekutiv i Rrjetit të Bazelit, Jim Puckett ka folur së fundmi në lidhje me rikthimin e mbetjeve industriale të rrezikshme në portin e Durrësit. Mbetjet pritët të mbërrijnë në vendin tonë nesër pas disa muajsh lundrim në det pas refuzimit të Tajlandës për të marrë tonelata mbetjesh të rrezikshme të cilat shkaktojnë kancer. Në një intervistë për Edicionin e "Ora 19" në SYRI TV, Puckett shpjegoi situatën e ndërlikuar që lidhet me dërgesat e mbetjeve drejt Shqipërisë.
Gjate intervistës ai theksoi se ishin shfaqur probleme të pazakonta gjatë rrugës teksa vuri theksoin se nuk kishte ndodhur kurrë që të fiken radarët e gjurmimit satelitor. Ky veprim bënte që anija të mos lokalizohej në Oqeanin Indian. Ai shtoi se kontaktuan linjën e anijeve MSC dhe MARSK dhe u siguruan që gjurmuesit të ndizeshin dhe që ngarkesa e mbetjeve të kthehej përsëri në vendin e origjinës në Durrës për të kuptuar se cilët ishin përgjegjës për këtë eksport që s’duhet të kishte ndodhur.
Puckett më tej u shpreh se kalimi i dërgesave përmes vendeve si Portugalia dhe Turqia ngrinte dyshime të forta për transparencën dhe ligjshmërinë e këtij eksporti. Ai theksoi se ishte e nevojshme që qeveria shqiptare të ofronte informacion të qartë për publikun dhe të merrte mostrave nga dërgesat në mënyrë që të vlerësonte përmbajtjen e tyre. Puckett shprehu shqetësimin se, pa një hetim të plotë dhe të pavarur, nuk ishte e mundur të kuptohej se çfarë materialesh po transportoheshin dhe se si ato mund të ndikojnë në mjedisin dhe shëndetin publik. Kjo situatë kërkon një angazhim të menjëhershëm për të garantuar transparencën dhe sigurinë për qytetarët shqiptarë.
Modratorja:Çfarë ka ndodhur gjatë rrugës, sepse më pas do t’ju pyes edhe për komunikimet që ju jeni përpjekur të keni, të paktën, dhe letrat që i keni dërguar qeverisë shqiptare. Por a ka pasur dyshime, le të themi, të dyshimta në itinerarin drejt Shqipërisë? Ju jeni një ekspert, kuptoni çdo detaj në momentin kur ka diçka që nuk shkon.
Puckett:Në fakt, gjërat ishin disi të çuditshme, sepse anijet që mbanin fillimisht këto mbetje ishin dy anije dhe ato i fikën transmetuesit dhe gjurmuesit satelitorë, kështu që ishte e pamundur të lokalizoheshin në Oqeanin Indian. Kjo ishte tërësisht e pazakontë, kjo nuk ndodh zakonisht asnjëherë, prandaj na lindi dyshimi se çfarë po ndodhte. Kontaktuam linjën e anijeve MSC dhe MARSK dhe u siguruam që gjurmuesit do të ndizeshin dhe që ngarkesa e mbetjeve të kthehej përsëri në vendin e origjinës në Durrës për të kuptuar se cilët ishin përgjegjës për këtë eksport që s’duhet të kishte ndodhur.
Moderatorja: Po gjatë rrugës së kthimit, ka pasur diçka të dyshimtë, të çuditshme të cilën ju e keni vënë re? Nuk e di lidhur me destinacionet që përdoren zakonisht, lidhur me portet e caktuara, një qëndrim më gjatë në port, një ndryshim të anijeve, apo nuk e di. Ka diçka që vlen të ndalemi?
Puckett: Në fakt, ishte e pazakontë edhe kthimi, pasi dërgesa kaloi në Portugali, në Spanjë, në Turqi. Nuk e dimë përse kaloi në Turqi gjatë rrugës në Mesdhe. Ndonjëherë ndodh edhe kështu me dërgesat, por në fakt ne nuk e dimë nëse këto janë mbetje me të cilat mund të ketë pasur ndonjë ndikim dhe duam që të shmangim çfarëdo lloj problematike dhe të sigurojmë transparencën.
Duhet që qeveria t’i hapë ato në sy të publikut dhe të marrë kampionet në sy të publikut, në mënyrë që të merren kampionë dhe mostra të ndryshme nga kontejnerë të ndryshëm. Unë do t’i kërkoj ministrisë së Mjedisit të marrë mostrën që kërkojmë, por këto i duhen dhënë edhe autoriteteve të pavarura në mënyrë që analizat që dalin të tregojnë se është e njëjta mbetje dhe të mund të gjëjmë informacionin e duhur dhe të kuptojmë se çfarë përmbajnë këto materiale.
